დღეს ქართველმა ერმა კინოსა და თეატრის ლეგენდარული მსახიობი, კოტე მარჯანიშვილისა და შოთა რუსთაველის სახელობის სახელმწიფო პრემიის ლაურეატი დაკარგა. საქართველოს სახალხო არტისტი 27 აპრილს 85 წლის ასაკში გარდაიცვალა.
კახი კავსაძე ქართველი საზოგადოებისთვის არამხოლოდ განსაკუთრებული ენერგეტიკისა და ქარიზმის მქონდე ლეგენდარული მსახიობი, არამედ პატივსაცემი და ყველასათვის საყვარელი მოქალაქე იყო.
წარმოგიდგენთ საქართველოს სახალხო არტისტის ემოციურ ფოტოებსა და გამონათქვამებს ვიდეოების სახით, რომლებიც ქართულ კინო ისტორიას სამუდამოდ დარჩება.
ქართული კინოსა და თეატრის მსახიობი 1935 წლის 5 ივნისს თბილისში დაიბადა. კახი კავსაძემ 1959 წელს დაამთავრა შოთა რუსთაველის სახელობის თეატრალური ინსტიტუტის სამსახიობო ფაკულტეტი და გახდა რუსთაველის სახელობის აკადემიური თეატრის მსახიობი. მისი დებიუტი კინოში 1950–იან წლებში შედგა.
ფოტო: ეროვნული ბიბლიოთება
კახი მიღებული აქვს არაერთი ჯილდო და პრემია, მათ შორისაა: საქართველოს სსრ დამსახურებული არტისტი (1976) და საქართველოს სსრ სახალხო არტისტი (1981). შოთა რუსთაველის სახელობის აკადემიური თეატრის წამყვანი მსახიობი ასევე გახდა კოტე მარჯანიშვილისა (2009) და შოთა რუსთაველის სახელობის სახელმწიფო პრემიის ლაურეატი (2010).
ფოტო: ეროვნული ბიბლიოთეკა
შოთა რუსთაველის სახელობის სახელმწიფო პრემიის ლაურეატს შესრულებული აქვს ისეთი გენიალური და დაუვიწყარი როლები, როგორებიცაა: ფორტინბრასი (შექსპირი ,,ჰამლეტი”), ილიკო (ნ. დუმბაძე ,,მე, ბებია, ილიკო და ილარიონო”), ლორდ ჰასტინგსი (შექსპირი ,,რიჩარდ III”), სიმონ ჩაჩავა (ბ. ბრეხტი ,,კავკასიური ცარცის წრე”), კოტე (რ. ჰარვუდი ,,მოხუცი ჯამბაზები’’) და სხვა.
ფოტო: რუსთაველის თეატრის ოფიციალური გვერდიდან
ფოტო: რუსთაველის თეატრის ოფიციალური გვერდიდან
ფოტო: საქართველოს ეროვნული არქივი
ფოტო: რუსთაველის თეატრის ოფიციალური გვერდიდან
ფოტო: ზაქარია ჭელიძე
შეგახსენებთ, რომ კახი კავსაძეს საბურთალოს სასაფლაოზე ბელა მირიანაშვილის გვერდით დაკრძალავენ.
