Versace იტალიური მოდის კომპანია და სავაჭრო ბრენდია, რომელიც ჯანი ვერსაჩეს მიერ 1978 წელს შეიქმნა და თავისი ისტორიის წერას დღემდე აგრძელებს. 2025 წელს ბრენდმა ახალი სუნამო – Emerald–ი გამოუშვა, რომელიც Crystal-ის ხაზს შეემატა, კამპანიის სახე კი მსოფლიოში ცნობილი მოდელის, ქეით მოსის შვილი – ლაილა მოსი გახდა.
ახალ ფოტოსესიაში მოელვარე, ჯაჭვისებრ ტოპსა და მასთან შეხამებულ ქვედაკაბაში გამოწყობილი მოდელი კამერის წინ, სუნამოს ფლაკონით ხელში პოზირებს. ამით მოდის სახლის ახალმა კრეატიულმა დირექტორმა – დარიო ვიტალემ Versace-ს ცნობილი კოდი – ბადისმაგვარი მეტალის ქსოვილი გაიმეორა. ამ მასალით შექმნილი სამოსი პოდიუმზე პირველად 1980-იან წლებში, ჯანი ვერსაჩემ წარადგინა. მისი გარდაცვალების შემდეგ, როდესაც მოდის სახლს სათავეში დონავტელა ვერსაჩე ჩაუდგა, ასეთი ქსოვილით შექმნილი კაბები თითქმის ბრენდის სიმბოლოდ იქცა.
რაც შეეხება თავად Crystal-ის ხაზს, მისი შექმნა დონავტელა ვერსაჩეს დამსახურებაა. 2006 წელს, ამ სერიების პირველი არომატი – Bright Crystal წარმოადგინეს, ვარდისფერი ფლაკონით და უზარმაზარი კრისტალით თავზე. მიიჩნევა, რომ შეფუთვა თავად დიზაინერმა შეიმუშავა, ხოლო კოლექციის ყველა სურნელი დონატელას საყვარელი სურნელებია.
ახალი Emerald–ი ქალის ძალის, მგრძნობელობისა და ელეგანტურობის იდეის ირგვლივ შეიქმნა. ეს არის მდგრადი სურნელი, რომელიც ხილის სიგრილით იწყება, ნელ-ნელა მწვანე აკორდები ემატება და ბოლოს ღრმა, ოდნავ თბილი ნოტებით მთავრდება.
ზედა ნოტებია – ბერგამოტი, ატამი და ვარდისფერი პილპილი,
შუა – გამაგრილებელი სორბეტი, ვარდი, ჟოლო და იასამანი,
ბოლოს კი ტონკას, ლადანისა და თეთრი მუშკის სურნელით იხსნება.
კომპოზიციის ავტორია პარფიუმერი გაელ მონტერო, რომელმაც Versace-ს სხვა არომატებზე, ასევე ბრენდებთან Zara, Attar Collection, Montblanc, Memo იმუშავა. მისი ახალი ქმნილება – Crystal Emerald მაღაზიის თაროებზე ოქტომბერში გამოჩნდა.
შეგახსენებთ, რომ ვერსაჩე ლეგენდარული იტალიური ბრენდია, რომელიც ჯანპაულო ვერსაჩემ 1978 წელს დაარსა. მისი სუნამოები საოცრად აერთიანებს მდიდარ და თანამედროვე ელემენტებს, რომლებიც ბრენდის გამორჩეულ, თამამ და ელეგანტურ სტილს გამოსახავს. Versace-ს სურნელები მიმზიდველი კომპოზიციებითაა ცნობილი, რომლებიც თითოეულ წამს განსაკუთრებულად აქცევს.
ასევე დაგაინტერესებთ
#OK! ქეით მოსის 19 წლის ქალიშვილი ლაილა მოსი Vogue Hong Kong-ის გარეკანზე
