რეალითი შოუს Keeping Up With The Kardashians-ის ვარსკვლავი კაილი ჯენერი და ამერიკელი რეპერი ტრევის სკოტი მეორე შვილს ელოდებიან. ახალგაზრდა მილიარდერმა ოფიციალური ინფორმაცია რამდენიმე საათის წინ საკუთარი სოციალური ქსელის მეშვეობით გაავრცელა.
2020 წელს Harper’s Bazaar’s-თან საუბრისას კაილი ჯენერმა ინტერვიუში განაცხადა, რომ ზოგადად შვიდი შვილის ყოლა სურდა, თუმცა ამჟამად ორსულობის დროს მიღებული მსგავსი წნეხის ქვეშ ყოფნაზე აღარ ფიქრობდა.
“შვიდი შვილი მინდა, თუმცა ახლა არა. ჩემი მეგობრები სულ ამ თემაზე მესაუბრებიან, თუმცა ორსულობა მარტივი რამ არაა. ეს პროცესი სახუმარო ნამდვილად არ არის და მე ამ წნეხისთვის ჯერ მზად არ ვარ.”
შეგახსენებთ, რომ კაილის და ტრევისს პირველი შვილი სტორმი ვებსტერი 2018 წლის პირველ თებერვალს შეეძინათ და ახლა ის სამი წლისაა.
იხილეთ ვიდეო, რომელიც კაილიმ რამდენიმე საათის წინ სოციალურ ქსელში გამოაქვეყნა:
