თითოეული კვირა პატარა ცხოვრებას ჰგავს, რომელიც საშუალებას გვაძლევს ყველაფერი „სუფთა ფურცლიდან“ დავიწყოთ – ორშაბათიდან დიეტა, მავნე ჩვევებზე უარის თქმა ან უბრალოდ შეჩერება და იმაზე ფიქრი, საით მივდივართ.
ვარსკვლავები ზოდიაქოს თითოეულ ნიშანს სიურპრიზებსა და გამოწვევებს უმზადებენ. 9-15 თებერვლის ჰოროსკოპი ზუსტად გეტყვით, რას უნდა მიაქციოთ ყურადღება და რას უნდა ერიდოთ.
ვერძი
ვერძებმა ჯანმრთელობას მეტი ყურადღება უნდა მიაქციონ. ამჟამად თავს შესანიშნავად გრძნობ, მაგრამ თებერვლის მეორე კვირამ შესაძლოა ენდოკრინული სისტემის პრობლემები ან ფსიქოსომატური სიმპტომები (კუნთების სპაზმი) მოგიტანოთ. პირად ცხოვრებასა და სამსახურში ზედმეტ ინიციატივას ნუ გამოიჩენთ — სჯობს, ამჯერად ჩრდილში დარჩეთ და მოვლენების განვითარებას კულისებიდან დააკვირდეთ.
კურო
კვირა მშვიდად ჩაივლის, თუ ორ წესს დაიცავთ: ნუ ჩაებმებით კამათში მაშინაც კი, თუ საკუთარ სიმართლეში დარწმუნებული ხართ. ახალ ნაცნობობას და რომანტიკულ შეხვედრებს კრიტიკულად მიუდექით. ამით ნერვებსაც დაზოგავთ და სულიერ წონასწორობასაც შეინარჩუნებთ.
ტყუპები
გეჩვენებათ, რომ გარშემომყოფები თქვენს ნიჭს სათანადოდ არ აფასებენ და ამის გამო ძალიან განიცდით. კვირის დასაწყისში მცირე უსიამოვნებებია მოსალოდნელია საქმიან კამათშიც, თუმცა სირთულეებს პირადი ცხოვრების სასიამოვნო მოვლენები დაგავიწყებთ. კვირის ბოლოს საკუთარი შესაძლებლობების სრულად გამოვლენის შანსი მოგეცემათ, მთავარია გულწრფელი იყოთ.
კირჩხიბი
ყურადღების ცენტრში ყოფნა დისკომფორტს შეგიქმნით. გაგიჭირდებათ საჯარო გამოსვლები ან გავლენიან პირებთან თხოვნით მიმართვა. პრობლემების მიზეზი ქვეცნობიერშია, ამიტომ კარგი იქნება ფსიქოლოგთან გასაუბრება. ასევე, დააკვირდით სიზმრებს — ამ პერიოდში წინასწარმეტყველური სიზმრების ალბათობა დიდია.
ლომი
ინტრიგებში ჩართვით შესაძლოა, თქვენი ავტორიტეტი ოდნავ შეილახოს, თუმცა ეს არ გაშინებთ, რადგან იცით, რომ ხალხს მოკლე მეხსიერება აქვს. ოთხშაბათსა ან ხუთშაბათს გაცნობილი ადამიანი ბიზნესის ან კარიერის განვითარებაში დაგეხმარებათ. უმჯობესია, რომ მომავალი უქმეები სახლში გაატაროთ, რათა უხერხულ სიტუაციებს თავი აარიდოთ.
ქალწული
კვირის დასაწყისში ნერვიულობას და შფოთვას იგრძნობთ, რასაც თავდაუზოგავი შრომა და საყვარელი გატაცებები დაგავიწყებთ. თქვენი სიჯიუტისა და მუდმივად საკუთარი სიმართლის მტკიცების გამო სამსახურში მცირე კონფლიქტებს ვერ ასცდებით. ფინანსურად სტაბილური კვირაა, პირად ცხოვრებაში კი გარკვეული ცვლილებები იგეგმება, თუმცა ჯერჯერობით მკაფიო კონტურების გარეშე.
სასწორი
შესაძლოა ახლობელმა ადამიანმა იმედი გაგიცრუოთ, თუმცა წყენას მალე დაივიწყებთ და ურთიერთობას ისე გააგრძელებთ, თითქოს არაფერი მომხდარა. მოერიდეთ საბუთებთან დაკავშირებულ საქმეებს, სახელმწიფო უწყებებთან ურთიერთობას და მნიშვნელოვანი ხელშეკრულებების გაფორმებას. შუა კვირაში ყურადღება მიაქციეთ თირკმელებს და შარდის ბუშტს. პირად ცხოვრებაში ბევრ სასწორს სიურპრიზები ელის.
მორიელი
მთელ კვირას ეჭვებსა და ყოყმანში გაატარებთ, განსაკუთრებით სამსახურისა და პირადი ურთიერთობების საკითხში. ორ სკამზე ერთდროულად ვერ დაჯდებით, ამიტომ არჩევანის გაკეთება აუცილებლად მოგიწევთ და პასუხისმგებლობას სხვას ვერ გადააბარებთ. კვირის ბოლოს გამორიცხული არ არის ჯანმრთელობის პრობლემები ალერგიული რეაქციების სახით. ეცადეთ საჭირო წამლები ახლოს გქონდეთ.
მშვილდოსანი
ამ კვირაში ძველი პრობლემების მოგვარებას გააგრძელებთ, თუმცა ახლა უკვე “გვირაბის ბოლოს სინათლეს” დაინახავთ, რაც ოპტიმიზმს შეგმატებთ. მოერიდეთ ახლობლებისა და კოლეგების კრიტიკას და შორ მანძილზე მოგზაურობას. კვირის შუა დღეებში მოსალოდნელია მოგება ან მოულოდნელი საჩუქარი.
თხის რქა
ეცადეთ სათქმელი მოკლედ და გასაგებად ჩამოაყალიბოთ. ბევრმა ლაპარაკმა და მუდმივად სხვებისთვის ჭკუის სწავლებამ შესაძლოა, ავტორიტეტი შეგილახოთ. უმჯობესია ენერგია ახალი ცოდნის მიღებისკენ მიმართოთ, რაც მომავალში მიზნის მიღწევაში დაგეხმარებათ. ფრთხილად იყავით ვარჯიშის და ფიზიკური დატვირთვის დროს, საყრდენ-მამოძრავებელი სისტემის ტრავმების მაღალი რისკის გამო.
მერწყული
ამ კვირას თქვენი განწყობა სამსახურებრივ გარემოზე იქნება დამოკიდებული. ეცადეთ, კოლეგების ინტრიგებსა და ჭორაობას მოერიდოთ – ეს უსიამოვნებების გარდა, არაფერს მოგიტანთ. აუცილებლად გამონახეთ დრო ბუნებაში სეირნობისთვის – ეს ფიქრებისა და ემოციების დალაგებაში დაგეხმარებათ.
თევზები
ინტუიცია გკარნახობთ, რომ ამ კვირას ხალხმრავალ ადგილებსა და სამთავრობო უწყებებთან ურთიერთობას მოერიდოთ. ახლა მთავარია ურთიერთობები – როგორც რომანტიკულ, ისე საქმიან პარტნიორებთან. მოზღვავებული ემოციების გამო, შესაძლოა, კონტროლის სურვილი გაგიჩნდეთ, რაც კონფლიქტს გამოიწვევს. მიხედეთ ჯანმრთელობას, განსაკუთრებით კუჭ-ნაწლავსა და ენდოკრინულ სისტემას.
