კარდაშიანების კლანის ერთ-ერთი ყველაზე ცნობილი ქალბატონი კორტნი კარდაშიანი და პოპ პანკ ჯგუფის Blink-182 დრამერი ტრევის ბარკერი დაინიშნნენ.
მუსიკოსმა მომავალ მეუღლეს ხელი კალიფორნიაში, Montecito-ში არსებულ Rosewood Miramar-ის სასტუმროში სთხოვა.
შეგახსენებთ, რომ ვარსკვლავურმა წყვილმა ურთიერთობა 2020 წლის დეკემბერში დაიწყო.
მათი საერთო საჯარო დებიუტი კი სოციალურ მედიაში 2021 წლის თებერვალში შედგა.
როგორც E! News-თან საუბრისას სანდო წყარო აღნიშნავს, ტრევისმა კორტნისთან ურთიერთობა მხოლოდ მეგობრობით დაიწყო, რადგან რეალითი შოუს წევრი თავიდან რომანტიკულ ურთიერთობაზე უარს აცხადებდა, თუმცა ამჟამად, როგორც თავად აღნიშნავენ, ისინი ცხოვრების ახალი ეტაპისთვის ერთდ ემზადებიან.
Disneyland Resort-ში გატარებული არდადეგების დროს ტრევისმა კორტნის “თავისი ცხოვრების ყველაზე დიდი სიყვარული უწოდა.”
