როგორც იცით, კორტნი კარდაშიანი და ტრევის ბარკერი პირველ საერთო შვილს ელოდებიან. რეალითი შოუს ვარსკვლავმა საზოგადოებას სასიხარულო ამბავი რამდენიმე დღის წინ კონცერტზე ამცნო, მომენტი კორტნიმ 1999 წლის მუსიკალური ვიდეოს “All the Small Things”-ის ინსპირაციით შეარჩია. რამდენიმე საათის წინ გავრცელდა ინფორმაცია, რომ წყვილი ბიჭს ელოდება.
შეგახსენებთ, რომ 2022 წლის 4 აპრილს კარდაშიანების კლანის ერთ-ერთი ყველაზე ცნობილი ქალბატონი კორტნი კარდაშიანი და პოპ პანკ ჯგუფის Blink-182 დრამერი ტრევის ბარკერი მალულად დაქორწინდნენ.
ქორწილის ღონისძიება ლას ვეგასში, One Love Wedding Chapel-ში გაიმართა და 30 წუთს გრძელდებოდა.
შეგახსენებთ, რომ წყვილი პირველად ერთმანეთს 2006 წელს შეხვდა, როდესაც ტრევისი ჯერ კიდევ პერის ჰილტონს ხვდებოდა, რომელთანაც Closet Organizer-ისა და სტილისტის პოზიციაზე კიმ კარდაშიანი მუშაობდა.
წყვილმა რომანტიკული ურთიერთობა 2021 წელს გაასაჯაროვა, რაც იმავე წლის ოქტომბერში ნიშნობით დაგვირგვინა.
მუსიკოსმა მომავალ მეუღლეს ხელი კალიფორნიაში, Montecito-ში არსებულ Rosewood Miramar-ის სასტუმროში სთხოვა.
