„კომპანია ესპანო“ დღეს უკვე ცნობილია სამარკო ნიშნით „ესპანური სახლი“. ის ქუთაისში შეიქმნა და მომხმარებელს მაღალ ხარისხსა და საუკეთესო, განსხვავებულ ესპანურ სტილს სთავაზობს. ცენტრალური შოურუმი თბილისში, დიღომში, დ. აღმაშენებლის ხეივანი №124-ში მდებარეობს. როგორც „კომპანია ესპანოს“ დირექტორი, მიხეილ გაბუნია ჩვენთან საუბრისას აღნიშნავს, კომპანიის მიზანს თავიდანვე მხოლოდ ესპანური წამყვანი ბრენდების ექსკლუზიური და ინოვაციური პროდუქციის შეთავაზება წარმოადგენდა. ჟურნალი „OK! ქუთაისი“ ამ სტატიაში „ესპანური სახლის“ შესახებ ბევრ საინტერესო ინფორმაციას გაგაცნობთ.
მიხეილ, როგორც ვიცით, კომპანია უკვე 12 წელია, რაც საქართველოს ბაზარზე ოპერირებს, რას სთავაზობთ მომხმარებელს?
„ესპანოს“ შოურუმი არის ადგილი, სადაც ჩვენს მომხმარებლებს შეუძლიათ შეარჩიონ და შეიძინონ უმაღლესი ხარისხის, ეკოლოგიურად სუფთა სარემონტო-მოსაპირკეთებელი მასალები: კერამიკული ფილები, კერამოგრანიტი ინტერიერისა და ექსტერიერისთვის, ლამინირებული იატაკი, შემრევი ონკანები და სააბაზანოს აქსესუარები, კერამიკული სანტექნიკა, ჰიდროსაიზოლაციო მასალები, ძლიერი მოჭიდების მქონე ესპანური წებოცემენტის ნაირსახეობა, ანტიბაქტერიული და ანტიალერგიული დეკორატიული ცემენტი- ფუგას მზა ფერების არჩევანით. ასევე, ესპანური ბრენდის ტრაპები, დამატებით სარემონტო მასალები, ის, რაც საჭიროა სახლის კომფორტული და, რაც მთავარია, ხარისხიანი მოპირკეთებისთვის.
მაღალი კონკურენციის ფონზე როგორ ახერხებს კომპანია საზოგადოების ყურადღების მიპყრობას? რა არის „კომპანია ესპანოს“ ნიშა?
პირველ რიგში, „ესპანო“ არის ესპანური ბრენდების ექსკლუზიურად ოფიციალური წარმომადგენელი საქართველოში. ყოველთვის ორიენტირებული ვართ სიახლების შეთავაზებასა და მინიმალურ სარეალიზაციო ფასებზე.
ყველა პროდუქცია დამზადებულია ესპანეთში.
12 წლის განმავლობაში ყველაფერი გაკეთდა იმისთვის, რომ ჩვენს მომხმარებელს რეალურ ფასად როგორც პროდუქციის, ასევე მომსახურების მაღალი ხარისხი მიეღო. ორიგინალი ესპანური პროდუქციის მთავარი უპირატესობა, ტრენდულობასთან ერთად, გრძელვადიანი კომფორტის გარანტიაა. ვფიქრობ, კონკურენტებთან შედარებით, ჩვენი უპირატესობაც სწორედ ეს არის.
გვიამბეთ ბრენდებსა და ხარისხზე.
ჩვენს მომხმარებლებს ვთავაზობთ ესპანურ ბრენდებს, როგორებიცაა:
EL MOLINO, NAVARTI, CLEVER GRIFERIA, TRES GRIFERIA, FINSA-FINFLOOR, CAPA, ARCO, TUCAI, KERAKOLL, JIMTEM, EUROSHRINK. BAGLINOX, DEBANO და სხვას მწარმოებელი ბრენდების ქარხნებიდან.
ჩვენს შოურუმში წარმოდგენილ პროდუქციას გავლილი აქვს ლაბორატორიული შემოწმება (ტესტის შედეგი: ეკოლოგიურად სუფთა, ანტიბაქტერიული და რადიაცია – 0%), რაც ოფიციალურად დადასტურებულია სათანადო სერტიფიკატებით, სრულად აკმაყოფილებს ევროსტანდარტს და სერტიფიცირებულია ISO სერტიფიკატით.
გამძლეობის გარდა, ჩვენი პროდუქციის ხარისხი დამზადების ტექნოლოგიაში გამოიხატება. მაგალითად, კერამიკული ფილებისა და კერამოგრანიტის ზედაპირი არის პირველი ხარისხის, ფაიფურის მინანქრით დამზადებული, რაც უსაფრთხოების სრული გარანტიაა შიდა სივრცეში გამოსაყენებლად. შემრევი ონკანის შიდა ნაწილები, რომლებიც წყალთანაა შეხებაში, არის ეკოლოგიურად სუფთა, ტყვიისგან თავისუფალი მასალისგან დამზადებული, რათა წყლის მძიმე მეტალებით დაბინძურება არ გამოიწვიოს. გავლილი აქვს მკაცრი ხარისხის კონტროლი. მექანიზმსა და ონკანის კორპუსზე ვრცელდება 5-წლიანი ქარხნული გარანტია.
როგორია გარემო, რომელიც ადგილზე მოსულ მომხმარებელს ხვდება?
ჩვენთან მოსულ მომხმარებლებს შეუძლიათ გაეცნონ მასალების მახასიათებლებს, მწარმოებელ ბრენდებს, მათი ინტერიერისა და ექსტერიერის დიზაინში გამოყენების სპეციფიკას და მიიღონ რეკომენდაციები, რომელიც რემონტისას დაეხმარებათ. ასევე, შეუძლიათ გაეცნონ წლის სიახლეებს, ჩვენს გუნდთან ერთად დაგეგმონ და შეიძინონ მათთვის საჭირო სარემონტო მასალები ფასდაკლებით.
გვესაუბრეთ „ესპანოს“ გუნდის შესახებ.
„ესპანოს“ 12 წელია ერთგული, შრომისმოყვარე, ღირსეული პროფესიონალების გუნდი ქმნის. ჩვენი გუნდი გამოირჩევა მომხმარებლისადმი გულისხმიერი, კეთილგანწყობილი დამოკიდებულებით. ძალიან მნიშვნელოვანია კვალიფიციური ინფორმაციის მიწოდება პროდუქციის შესახებ, რასაც მუდმივად ვახორციელებთ. ევროპული დონის კონსულტაციის გაწევა იმისთვის, რომ მომხმარებელმა სწორი არჩევანი გააკეთოს, მისი გემოვნებისა და ხარისხის გათვალისწინებით. ესპანური სახლის პროფესიონალების გუნდი თქვენი საიმედო პარტნიორია ექსკლუზიური ესპანური კერამიკის ფერად სამყაროში.
რას იტყვით ქუთაისელ მომხმარებელზე?
გამორჩეული, გემოვნებიანი და საინტერესო მომხმარებელი გვყავს, რაზეც მოწმობს წარმატებით განხორციელებული არაერთი მსხვილი პროექტი – ქალაქში საცხოვრებელი სახლები, სასტუმროები, რესტორნები, დარბაზები, ოფისები და საწარმოები.
მინდა აღვნიშნო, მოგვმართავს არამარტო ქალაქის, არამედ დასავლეთ საქართველოს არაერთი მომხმარებელი. ვცდილობთ, ყველას მოთხოვნები და სურვილები დავაკმაყოფილოთ, რაც ვფიქრობ, წარმატებით გამოგვდის. მადლობა მათ ნდობისა და ერთგულად თანამშრომლობისთვის.
როგორია „ესპანოს“ სამომავლო გეგმები?
ჩვენი გუნდი მუდმივად ესწრება ესპანეთში გამართულ კერამიკის გამოფენას და ჩვენს მომხმარებელს მაშინვე სთავაზობს წარმოდგენილ სიახლეებს. წელს უკვე დაგვემატა ახალი ბრენდი სანტექნიკის მიმართულებით: SANITANA და შემრევი ონკანების ბრენდი: TRES GRIFERIA, რაც ჩვენს მომხმარებელს მეტი ფერის არჩევანის საშუალებას აძლევს. ეს მუდმივი პროცესია, ჩვენი უახლესი გეგმებიც ეს არის. გაფართოება, როგორც კერამიკისა და ლამინატის, ასევე სანტექნიკის მიმართულებით. ჩვენი მიზანი უცლელია – მუდმივი განვითარება და მომხმარებლებისთვის ინოვაციების შეთავაზება კარგ ფასად, ხარისხით შედეგის უზრუნველყოფა. ჩვენი ეკოლოგიურად სუფთა პროდუქცია ხარისხის გარანტია.
ქ. ქუთაისი ირ. აბაშიძის გამზ #21ა
www.espano.ge
ტელ: 598 80 80 80
ტექსტი: მარიამ ირემაძე
ფოტო: ნინი გორდაძე
