ლოს-ანჯელესში გრემის დაჯილდოების ცერემონია გაიმართა, რომელიც ყოველწლიურად, მუსიკალური ინდუსტრიის ყველაზე კაშკაშა ვარსკვლავებს იზიდავს. ეს არა მარტო მუსიკის, არამედ მოდის მოყვარულების საყვარელი ღონისძიებაა, სადაც წითელი ხალიჩა და სტუმრების ჩაცმულობა განსაკუთრებულ ყურადღებას იპყრობს.
შეგახსენებთ, რომ გრემი 2025-ზე განსაკუთრებული ყურადღება ამერიკელი მომღერლის ჩაპელ როანის Jean-Paul Gaultier-ისა და საბრინა კარპენტერის JW Anderson -ის კაბებმა დაიმსახურეს. ამერიკელი რეპერის, კანიე უესტის მეუღლე, ბიანკა სენსორი კი წითელ ხალიჩაზე შოკისმომგვრელი ჩაცმულობით გამოჩნდა – ბიანკას სრულიად გამჭვირვალე კაბა ეცვა, საცვლების გარეშე, ამიტომ ქმართან ერთად, ცერემონიიდან გააძევეს.
წელს მუსიკალური ინდუსტრიის ლიდერებმა გადაწყვიტეს, რომ წითელი ხალიჩა უფრო თავშეკავებული უნდა ყოფილიყო. ლედი გაგა, რომელიც წელს შვიდ კატეგორიაში იყო ნომინირებული, თავის საყვარელ გროტესკულ სტილს დაუბრუნდა და შავი ბუმბულის კაბა მოირგო, რომელსაც გაღიავებული თმა და წარბები შეუხამა.
საკმაოდ ბევრი იყო სამოსი საარქივო კოლექციებიდან. 2026 წლის გრემის ერთ-ერთმა ნომინანტმა, თაილამ Dsquared-ის ბუმბულებიანი კაბა მოირგო, PinkPantheress წითელ ხალიჩაზე Vivienne Westwood-ის 2012 წლის კოლექციის კაბით გამოჩნდა.
მოდი, ერთად გადავხედოთ 2026 წლის გრემის ყველაზე საინტერესო ლუქებს.
ლედი გაგა Matières Fécales
ოლივია დინი Chanel
საბრინა კარპენტერი Valentino
თაილა Dsquared
PinkPantheress Vivienne Westwood
მაილი საირუსი Celine
კაროლ ჯი Paolo Sebastian
Doechii Roberto Cavalli
ტეიანა ტეილორი Tom Ford
ბილი აილიში Hodakova
ასევე დაგაინტერესებთ
#OK! წლის ყველაზე მნიშვნელოვანი მოვლენა – Grammy-ს გამარჯვებულები ცნობილია
