ხშირად საკულტო სელებრითული წყვილები, რომელთაც მრავალწლიანი ქორწინება აკავშირებთ, ერთმანეთს მოულოდნელად შორდებიან. როგორც წესი, ყოფილი მეუღლეები ბავშვების მეურვეობის საკითხებს შეთანხმებულად აგვარებენ და ერთმანეთთან ცივილური ურთიერთობა აკავშირებთ.
როგორც ჩანს, რეალითი შოუს Keeping Up With The Kardashians-ის ვარსკვლავი კიმ კარდაშიანი და რეპერი ქანიე უესტი აღნიშნული წყვილების რიცხვს არ მიეკუთვნებიან.
მათ შორის არსებული დაპირისირება გრძელდება.
როგორც იცით, ამერიკელმა რეპერმა საკუთარი შვილების დედა სოციალურ მედიაში საჯაროდ დაადანაშაულა იმაში, რომ ბავშვების ნახვას უკრძალავს და მათ შესაფერისად ვერ ზრდის. ქანიემ მაგალითად ჩიკაგოს დაბადების დღის წვეულება მოიყვანა, როდესაც მას წვეულების ადგილმდებარეობა არ გააგებინეს, გოგონას დაბადების დღეზე კი მხოლოდ ტრევის სკოტის დახმარებით მივიდა.
კიმ კარდაშიანს სოციალურ მედიაში მხარდაჭერა საკუთარმა დამ ქლოე კარდაშიანმა გამოუცხადა:
“იე, მე შენ მიყვარხარ. არ მინდოდა ეს ყველაფერი სოციალური მედიის საშუალებით მეთქვა, მაგრამ, როგორც ჩანს, თავად გსურს ასე. შენ ხარ ჩემი დის შვილების მამა და ვცდილობ პატივისცემით მოგექცე. დროა უკვე შეწყვიტო ეს ყველაფერი.
კიდევ ერთხელ მინდა შევეხო დაბადების დღის წვეულებას. უკვე საკმარისია ამ თემაზე საუბარი. ჩვენ ყველამ ვიცით სიმართლე და შენი მოსაზრებაც. უკვე ძალიან დავიღალეთ ამით.
შენ ყოველთვის ზუსტად იცი სად არიან შენი შვილები. მე მაქვს შენი მოწერილი შეტყობინებები, სადაც ნათლად ჩანს, რომ ცალკე გინდოდა დაბადების დღის აღნიშვნა. როდესაც აზრი შეიცვალე და წვეულებაზე მოსვლა გადაწყვიტე, შენ მართლაც უპრობლემოდ მოხვედი ჩვენთან.
როგორც თავად აღნიშნე, დიახ, კიმი უვლის ძირითადად შენს შვილებს. დაანებე მას და ბავშვებს თავი და მიეცი მათ საშუალება გაიზარდონ მშვიდ გარემოში. დიდი სიამოვნებით გავაგრძელებ ამ საუბარს პირად შეტყობინებებში”.
იხილეთ ასევე:
