ამერიკელი მომღერალი, სიმღერების ავტორი და მსახიობი კეტრინ ელიზაბეტ ჰადსონი, ბევრისთვის სასცენო სახელით ცნობილი როგორც კეტი პერი დღეს 38 წლის გახდა.
კეტიმ საერთაშორისო პოპულარობა 2007 წელს მოიპოვა, როდესაც Capitol Music Group-თან კონტრაქტი გააფორმა და თავისი პირველი სინგლი „Ur So Gay“ გამოუშვა.
შემსრულებლის მეორე სინგლმა I Kissed a Girl მსოფლიო ჩარტები დაიპყრო, სადებიუტო სტუდიურმა ალბომმა One of the Boys კი 2008 წელს ყველაზე გაყიდვად ალბომებში 33-ე ადგილი დაიკავა.
წარმატებული მუსიკალური საქმიანობის პარალელურად კეტი მოდის ინდუსტრიაშიც გავლენიანი ქალბატონის სახელით სარგებლობს. მისი გემოვნებიანი, დახვეწილი და ზოგჯერ ექსცენტრიული ჩაცმულობები ხშირად მოხვედრილა ტაბლოიდების ფურცლებსა და მაღალი მოდის გამოცემების ყდებზე.
წარმოგიდგენთ კეტი პერის სტილის ევოლუციას კარიერის დასაწყისიდან დღემდე.
