უკვე რამდენიმე თვეა, რაც ქეით მიდლტონის “უცაბედი გაუჩინარება” ძალიან უცნაურად და მისტიკურად ეჩვენება საზოგადოებას. უელსის პრინცესას ბოლო საჯარო ვიზიტი 2023 წლის 25 დეკემბერს, მეუღლესთან, პრინც უილიამთან და შვილებთან ერთად, შობის დღესასწაულზე ჰქონდა. 16 იანვარს ქეითმა მუცლის ღრუს დაგეგმილი ოპერაცია ჩაიტარა, თუმცა კონკრეტულად რის გამო ჩატარდა ეს ოპერაცია, ცნობილი არაა. ქეით მიდლტონი იანვრის ბოლოს ექიმებმა საავადმყოფოდან გამოწერეს და მკურნალობას სახლში გადიოდა. როგორც უცხოური ტაბლოიდები წერენ, შესაძლოა პრინცესას მდგომარეობა იმაზე რთულადაა, ვიდრე ამას საზოგადოებას უმხელენ, ამიტომაც ამ პერიოდის განმავლობაში ვრცელდება ბევრი თეორია, რომელიც სიმართლეს არ შეესაბამება. ჯერჯერობით კვლავ უცნობია, რატომ აღარ ჩანს ქეით მიდლტონი საზოგადოებაში და როგორია მისი მდგომარეობა.
