#OK! ქეით მიდლტონის ოთხი გამორჩეული ლუქი

ბოლო რამდენიმე კვირის განმავლობაში უელსის პრინცესა ქეით მიდლტონი ოთხ მნიშვნელოვან სამეფო ღონისძიებაზე გამოჩნდა და კიდევ ერთხელ დაამტკიცა, რატომ ითვლება მსოფლიოს ერთ-ერთ ყველაზე გავლენიან მოდის ფიგურად. პიტერ ფილიპსის ქორწილიდან Royal Ascot-მდე, ქეითმა ოთხი განსხვავებული ლუქი წარადგინა, რომლებშიც ტრადიცია, მდგრადი მოდა, ბრიტანული დიზაინის მხარდაჭერა და სამეფო მემკვიდრეობა გააერთიანა.

პიტერ ფილიპსის ქორწილი

პიტერ ფილიპსისა და ჰარიეტ სპერლინგის ქორწილზე ქეითმა Roland Mouret-ის Belted Bouclé Maxi Dress მოირგო. კრემისფერი ბუკლეს კაბის თავდაპირველი ღირებულება 750 ფუნტია. ლუქი სრულად ნეიტრალურ ტონებში იყო გადაწყვეტილი და სწორედ ამ მონოქრომულობამ გახადა ის განსაკუთრებულად დახვეწილი.

პრინცესამ კაბა Jane Taylor London-ის ახალი ქუდით, Forever New-ის ნაქსოვი ტექსტურის კლაჩითა და კლასიკური მაღალქუსლიანებით შეავსო.

სამკაულებიდან ყველაზე დიდი ყურადღება მიიპყრო Kiki McDonough-ის მორგანიტისა და ბრილიანტის საყურეებმა, რომელთა ღირებულება დაახლოებით 7 500 ფუნტს აღწევს. ამავე ლუქში ქეითმა კვლავ მოირგო პრინცესა დიანას ცნობილი Triple-Strand Pearl Bracelet – სამმაგი მარგალიტის სამაჯური, რომელიც Nigel Milne-მა 1988 წელს შექმნა.

მოდის კრიტიკოსებმა ეს ლუქი „Quiet Luxury“-ს, ანუ „მშვიდი ფუფუნების“ ერთ-ერთ საუკეთესო მაგალითად შეაფასეს.

Trooping the Colour 

წლევანდელ Trooping the Colour-ზე ქეითი ერთ-ერთ ყველაზე დასამახსოვრებელ ლუქში გამოჩნდა. მან Catherine Walker-ის Lafayette Coatdress აირჩია, რომელიც სპეციალურად შეკვეთით მზადდება და ბრენდის ერთ-ერთ ყველაზე ცნობილ დიზაინად ითვლება.

ცისფერი სამოსი სამხედრო ელემენტებით იყო გაფორმებული – ორმაგი ღილებით, მკვეთრი მხრებითა და თეთრი დეკორატიული ხაზებით. ბევრმა მოდის მიმომხილველმა ამ ლუქში პრინცესა დიანას 1987 წლის Catherine Walker-ის კოსტიუმთან მსგავსებაც დაინახა.

პრინცესას ფეხზე Gianvito Rossi-ის Gianvito 105 მოდელის თეთრი ფეხსაცმელი ეცვა, რომლის ღირებულება დაახლოებით 710 ფუნტს შეადგენს.

ლუქის ერთ-ერთი მთავარი დეტალი იყო Irish Guards-ის ბროში, რომელიც მის, როგორც პოლკის პოლკოვნიკის, როლს უსვამდა ხაზს.

Order of the Garter 

Order of the Garter-ის ცერემონიაზე ქეითმა ყველაზე მოულოდნელი არჩევანი გააკეთა და პირველად გამოჩნდა ახალგაზრდა ბრიტანელი დიზაინერის, Patrick McDowell-ის სამოსით.

სპეციალურად მისთვის შექმნილი კოსტიუმის ტიპის პალტო-კაბა მოგვიანებით დიზაინერის ვებგვერდზე „The Wales Coat Dress“ სახელით გამოჩნდა. მისი ფასი 1 990 ფუნტია.

მაკდაუელი დღეს ბრიტანული მოდის ერთ-ერთ ყველაზე პერსპექტიულ დიზაინერად მიიჩნევა და Forbes-ის „30 Under 30“-ის სიაშიც მოხვდა. ის განსაკუთრებულ ყურადღებას მდგრად მოდასა და ეკოლოგიურად სუფთა წარმოებას უთმობს, რაც ქეითის თანამედროვე მოდურ ღირებულებებსაც იდეალურად ეხმიანება.

ლუქი სრულდებოდა Jane Taylor-ის Enid Boater-ის ქუდით, რომლის ღირებულება დაახლოებით 2 375 ფუნტია.

პრინცესას ხელში ეჭირა Emmy London-ის Natasha Clutch, რომლის ფასი 445 ფუნტია, ხოლო ფეხზე კვლავ მისი საყვარელი Gianvito Rossi-ის კლასიკური მოდელი ეცვა.

განსაკუთრებული ყურადღება დაიმსახურა Robinson Pelham-ის ბრილიანტის საყურეებმა, რომლებიც ქეითს მშობლებმა 2011 წლის სამეფო ქორწილისთვის აჩუქეს. ეს სწორედ ის სამკაულია, რომელიც მისი „Something New“, ,,რაღაც ახალის” ნაწილი იყო საქორწილო დღეს.

Royal Ascot 

ოთხივე ლუქიდან ყველაზე კაშკაშა უდავოდ, Royal Ascot-ისთვის შერჩეული Roksanda-ს ლიმონისფერი კაბა აღმოჩნდა.

საინტერესოა, რომ ეს კაბა ქეითმა პირველად 2022 წელს იამაიკაში, სამეფო ტურის დროს მოირგო, მოგვიანებით კი უიმბლდონზე გამოჩნდა. Ascot-ზე ეს მისი მესამე გამოჩენა იყო ამ ლუქით.

კაბის დიზაინი მოკლე სახელოებით, ფართო A-სილუეტის ქვედაბოლოთი და მხარზე განთავსებული დიდი ბაფთით გამოირჩევა.

ყვითელი ფერი სიმბოლურ მნიშვნელობასაც ატარებდა – ნარცისი უელსის ეროვნული ყვავილია, ხოლო ღონისძიების ერთ-ერთი მთავარი დოღი სწორედ Prince of Wales Stakes იყო.

პრინცესამ ლუქი Jane Taylor London-ის სპეციალურად შექმნილი ქუდით, Gianvito Rossi-ის დაახლოებით 850-დოლარიანი ფეხსაცმლითა და Anya Hindmarch-ის კლაჩით შეავსო, რომლის ღირებულებაც დაახლოებით 655 დოლარია.

სამკაულებიდან კი კვლავ ისტორიული მნიშვნელობის ნივთები შეარჩია – პრინცესა დიანას ცნობილი სამმაგი მარგალიტის სამაჯური და დედოფალ ელიზაბეტ II-ის კოლექციიდან მიღებული ბრილიანტის შანდელიერის ტიპის საყურეები.

სწორედ ამ ბალანსის გამო – ტრადიციასა და თანამედროვეობას, ფუფუნებასა და პრაქტიკულობას, ისტორიულ მემკვიდრეობასა და ახალ იდეებს შორის – ქეით მიდლტონი დღეს მსოფლიოში ერთ-ერთ ყველაზე გავლენიან მოდის ფიგურად რჩება.