თითქმის 20 წელიწადი გავიდა მას შემდეგ, რაც ჯენიფერ ლოპესის და ბენ აფლეკის ვარსკვლავური წყვილი პირველად დაინიშნა, სიმბოლურად, ზუსტად ორი ათწლეულის შემდეგ მსახიობმა და მომღერალმა ურთიერთობის ქორწილით დაგვირვინება გადაწყვიტეს.
დიახ, ზუსტად ორი დეკადა და ორი ნიშნობა… ბენიფერის ქორწილის ცერემონია შაბათს საღამოს, 16 ივლისს, ლოს ანჯელესში ჩატარდა.
სოციალურ მედიაში წყვილის ქორწილიდან მხოლოდ რამდენიმე ფოტო გავრცელდა, სანამ საზოგადოება ცერემონიის დეტალებს შეიტყობს, მოდით გავიხსენოთ გასული 20 წელი, თუ როგორ შეხვდნენ ჯენიფერ ლოპესი და ბენ აფლეკი თავდაპირველად ერთმანეთს.
ჯენიფერი და ბენი ერთმანეთს 2001 წელს ფილმ Gigli-ის გადაღებებზე შეხვდნენ.
მათი საერთო დებიუტი წითელ ხალიჩაზე 2002 წელს ფილმ Maid-ის პრემიერაზე შედგა.
2002 წლის ნოემბერში ბენმა ჯენიფერს ხელი სთხოვა, რის შემდეგაც ვარსკვლავური წყვილი დაინიშნა.
ჯენიფერი და ბენი ერთმანეთს 2004 წელს დაშორდნენ, რის შემდეგაც ამერიკელი ლამაზმანი მარკ ენტონიზე დაქორწინდა, წყვილი ურთიერთობაში 2014 წლამდე იმყოფებოდა. მარკს და ჯენიფერს ამჟამად ორი ტყუპი შვილი ჰყავთ.
ამასობაში, 2005 წელს ბენ აფლეკი მსახიობ ჯენიფერ გარნერზე დაქორწინდა, წყვილს სამი შვილი შეეძინა, თუმცა 2018 წელს მათი ურთიერთობა განქორწინებით დასრულდა.
2017 წელს ჯენიფერმა რომანტიკული ურთიერთობა ალექს როდრიეზთან დაიწყო.
მათ რამდენიმეწლიანი ურთიერთობა ნიშნობით დააგვირვინეს, თუმცა 2021 წელს საბოლოოდ მაინც დაშორდნენ ერთმანეთს.
2021 წლის მაისში ჯენიფერმა ურთიერთობა კვლავ ყოფილ საქმროსთან ბენ აფლეკთან განაახლა.
2022 წლის აპრილში ვარსკვლავური წყვილი დაინიშნა.
2022 წლის 16 ივლისს კი მათი თითქმის უკვე 20 წლიანი სიყვარულის ისტორია გრანდიოზული ქორწილით დასრულდა.
