25 წლის შემდეგ, კინომოყვარულთათვის საყვარელი ჯადოქარი დები სალი და ჯილიან ოუენსები ეკრანზებზე ბრუნდებიან. ნიკოლ კიდმანმა გულშემატკივრებს სიურპრიზი გაუკეთა და ინსტაგრამზე გააზიარა ვიდეო, სადაც ის და სანდრა ბულოკი ერთმანეთს „პრაქტიკული მაგია 2“ – ის გადასაღებ მოედანზე ეხუტებიან. კადრში დები ოუენსები საფლავის ქვებთან დგანან. გულშემატკივრებისგან არ წყდება კითხვები – ვისი საფლავებია? წყევლის გაგრძელებაა თუ ახალი მისია?
1998 წლის ორიგინალ ფილმში, რომელიც ელის ჰოფმანის ბესტსელერს ეფუძნება, დები – სალი (ბულოკი) და ჯილიანი (კიდმანი) უძველეს წყევლას ებრძვიან, რომელიც კლავს ყველა მამაკაცს, ვინც კი მათ შეუყვარდებათ.
ფილმმა დროთა განმავლობაში კრიტიკოსთა ყურადღება და მაყურებელთა სიყვარული მოიპოვა და ნამდვილ კულტურ ფენომენად იქცა, განსაკუთრებით იმ თემებისთვის, რომლებიც მაგიას, ქალთა სოლიდარობას და დამოუკიდებლობას ეხებოდა.
მეორე ნაწილის სიუჟეტი არ არის ცნობილი, თუმცა, ვიცით, რომ ჰოფმანის „პრაქტიკული მაგიის“ წიგნების სერიის ერთ-ერთ შედარებით გვიან გამოსულ ნაწილს ეფუძნება, ამიტომ ის მხოლოდ გაგრძელება კი არა, სიუჟეტის ახალი შრის გამოკვლევაც იქნება. ეს ნიშნავს მეტ დრამას, მეტ მაგიას და იმედია, დამაკმაყოფილებელ პასუხებს წარსულის ტრაგედიებზე.
ფილმში დაბრუნდებიან ძველი და საყვარელი პერსონაჟებიც – დაიან უისტი და სტოკარდ ჩანინგი, რომლებიც კვლავ შეასრულებენ ექსცენტრიკული დეიდების, ჯეტის და ფრანის როლს.
როგორც ნიკოლ კიდმანმა აღნიშნა:
„როდესაც პირველ ფილმს ვიღებდით, მაშინვე ვფიქრობდით გაგრძელებაზე. აღტაცებულები ვართ – სამყაროში უკვე შელოცვაც გავუშვით“.
ფილმის „პრაქტიკული მაგია 2“-ის პრემიერა 2026 წლის 18 სექტემბერსაა დაგეგმილი. მანამდე კი, მაყურებლებს შეუძლიათ კვლავ უყურონ პირველ ფილმს და თვალი გადაავლონ ჰოფმანის წიგნებს.
