ინსტაგრამის ფილტრების სამყაროში ქალების უმრავლესობას სურს იდეალურად გამოიყურებოდეს. ამის შესაძლებლობას კი იძლევა ესთეტიკური მედიცინა, რომელიც უფრო და უფრო ვითარდება და მასზე მოთხოვნა იზრდება, თუმცა საკმაოდ რთულია სანდო და მაღალკვალიფიციური სპეციალისტის პოვნა, რომელსაც საკუთარ სახეს ანდობ. როგორ უნდა დაიმსახუროს ესთეტიკის მედიცინის ექიმმა მომავალი პაციენტის ნდობა და რომელი პროცედურაა დღეს ყველაზე მოთხოვნადი? − ამის შესახებ #OK! ესთეტიკური მედიცინის ცენტრ Viva Aesthetic’s-ის დამფუძნებელს და ინიექციონისტ თეონა შრაის ესაუბრა.
თეონა, უპირველესად გაეცანით ჩვენს მკითხველს.
დავამთავრე თბილისის სახელმწიფო სამედიცინო უნივერსიტეტი. შემდეგ შევისწავლე ესთეტიკური მედიცინის დარგი ერთ-ერთ საუკეთესო ცენტრში − კლინიკაში „ენდორფინი“, სადაც 4 წელი ვიმუშავე და ჩამოვყალიბდი პროფესიონალად ჩემს დარგში. ასევე, პროფესიულ განვითარებაში დამეხმარა საზღვარგარეთ, კონგრესებსა და ტრენინგებზე მიღებული ცოდნა. ახლა კი, ჩემი თავი ახალი გამოწვევების წინაშე დავაყენე და გავხსენი საკუთარი ესთეტიკური მედიცინის ცენტრი − Viva Aesthetic’s.
რა სახის პროცედურებს სთავაზობთ პაციენტებს და რომელია ყველაზე მოთხოვნადი პროცედურა?
პაციენტებს ვთავაზობ სხვადასხვა პროცედურას, როგორიცაა ბოტოქსით ინიექცია − ნაოჭების საწინააღმდეგო, ფილერით ინიექცია − ტუჩის შევსება/გალამაზება, ყვრიმალების შევსება, ნაიარევებისა და ნაოჭების შევსება. ასევე, თმის მეზოთერაპია, კანის გამაჯანსაღებელი და გასაახალგაზრდავებელი პროცედურები და სხვ. ყველაზე პოპულარულია ტუჩის მოცულობის გაზრდა, ასევე, ასიმეტრიის გასწორება. შემდეგ უკვე ბოტოქსის ინიექციები.
რა შემთხვევაში ეუბნებით პაციენტს უარს პროცედურაზე?
უარს ვამბობ ინიექციის შესრულებაზე, თუ პაციენტს არარეალური მოლოდინი აქვს პროცედურისგან. თუ მისი ანატომია არ გვაძლევს საშუალებას იმ ეფექტის მიღების, რომელიც მას სურს. ასევე, არ არის მიზანშეწონილი ორსულობისა და ლაქტაციის პერიოდში. გარდა ამისა, დაავადებები, მაგალითად, დიაბეტი ან ეპილეფსია, რა შემთხვევაშიც ინიექციურ ჩარევებს საერთოდ არ ვაკეთებთ.
როგორია თქვენი მიდგომა პაციენტებთან?
ყველაზე მთავარი გულწრფელობაა. ჩემს პაციენტებს ყოველთვის სიმართლეს ვეუბნები, ვუხსნი პროცედურის დეტალებს, მათ მოქმედებასა და ხანგრძლივობას. ინიექციური პროცედურები ხშირად რამდენიმეწუთიან ტკივილთან ასოცირდება. ამ დროს მე მათ კომფორტს უზრუნველვყოფ. პაციენტები მენდობიან, რაც ჩემთვის ყველაზე მნიშვნელოვანია.
როგორ შეძელით ნდობის მოპოვება?
ამაში საკუთარი სოციალური გვერდები დამეხმარა. საკმაოდ ცნობილია ჩემი ინსტაგრამ თუ Facebook-გვერდები, სადაც პროცედურის შედეგებს, პაციენტების რეკომენდაციებს, მათ შთაბეჭდილებებს ვაზიარებ. ეს მეხმარება საკუთარ მომავალ პაციენტებთან ურთიერთობისას და რა თქმა უნდა, მნიშვნელოვანია მადლიერი პაციენტების რაოდენობა, რაც განსაზღვრავს ნდობის ხარისხს.
გაგვაცანით თქვენი სამომავლო გეგმები.
ჩემი სამომავლო გეგმები ჩემს ესთეტიკ-ცენტრს უკავშირდება. მინდა Viva Aesthetic’s ცენტრი ასოცირდებოდეს ხარისხთან, იყოს ისეთი ადგილი, სადაც მომხმარებელი შეძლებს პროცედურების ჩატარებას მაღალი ხარისხის პრეპარატებით. ჩემი ამბიცია ჯანსაღია, მსურს ამ დარგში მეტად განვითარება და მისი გაზიარება კოლეგებისთვის. Viva Aesthetic’s ცენტრში ექიმებს აქვთ საშუალება დაეუფლონ ესთეტიკური მედიცინის დარგს, შეისწავლონ ეს პროფესია ბაზისურად. სწავლება შესაძლებელია სამ ენაზე: ქართულად, რუსულად და ინგლისურად. კურსის დასრულებისას გაიცემა სერტიფიკატი, რის შემდეგაც ექიმები შეძლებენ მუშაობას ამ სფეროში.
რას ეტყოდით ქალებს?
თქვენს მკითხველებს და ყველა ქალს მინდა მივულოცო 3 და 8 მარტი. გიყვარდეთ საკუთარი თავი და იყავით თავდაჯერებულები, თუ ამისთვის ინიექციური ჩარევაა საჭირო, მაშინ გადადგით ეს ნაბიჯი იმისათვის, რომ იყოთ საკუთარ თავთან ჰარმონიაში.
საკონტაქტო ინფორმაცია:
https://www.facebook.com/vivaacaag
მისამართი: ქ. თბილისი, საბურთალო, ხვიჩიას ქ. #5
ტექსტი: სოფიო მალანია
ფოტო: ალექსეი სეროვი
