ბელა ჰადიდი პალესტინური წარმოშობის, ამერიკელი მულტიმილიონერის მუჰამედ ჰადიდისა და ჰოლანდიელი მოდელის იოლანდა ფოსტერის ქალიშვილია. სოფლიოში ერთ-ერთი ყველაზე მაღალანაზღაურებადი ვარსკვლავი, რომელიც პლანეტის ულამაზეს ქალად არაერთხელ აღიარეს, 2016 წელს Dior-ის ამბასადორი გახდა, რის შემდეგაც ბრენდის არაერთ რეკლამაში მიიღო მონაწილეობა. ამერიკელმა მოდელმა მალევე გააგრძელა თანამშრომლობა ისეთ ძვირადღირებულ ბრენდებთან და დიზაინერებთან, როგორებიც ტომი ჰილფიგერი, ჯერემი სკოტი და მარკ ჯეიკობსი არიან. 2017 წელს ბელა ჰადიდმა Forbes-ის ყველაზე მაღალანაზღაურებად მოდელებს შორის მეცხრე ადგილი დაიკავა, 2019 წელს კი კლასიკური ბერძნული გამოთვლებისა და “ოქროს კვეთის“ ფორმულის მიხედვით პლანეტის ულამაზეს ქალად დასახელდა.
ამერიკელი მოდელი ერთ-ერთი იმ ვარსკვლავთაგანია, რომელიც არამხოლოდ პოდიუმზე და წითელ ხალიჩაზე სტილისტებისა და დიზაინერების მიერ შერჩეული სამოსით გამოიყურება კარგად, არამედ ყოველდღიურ ცხოვრებაში იქცევს გამორჩეული სტილითა და გარეგნობით ყურადღებას. ჰადიდის სტილი ზაფხული მარტივი, სადა და კომფორტულია, თუმცა ამავდროულად, მოდური, ელეგანტური და მიმზიდველი. სეზონური ინსპირაციისთვის წარმოგიდგენთ ამერიკელი ვარსკვლავის საზაფხულო სტილს.
7
