„ICHIGO სუში“ შეიქმნა მათთვის, ვისაც ყველაზე მეტად უყვარს აზიური სამზარეულო. აღსანიშნავია, რომ როლები, რომელთა შეძენა აქ არის შესაძლებელი, უმაღლესი ხარისხის პროდუქციითა და მაღალ სტანდარტებს მორგებული რეცეპტებით მზადდება. დეტალური ინფორმაციისთვის OK! გაესაუბრა „ICHIGO სუშის“ დამფუძნებელ მაკო საბანაძეს.
გვიამბეთ „ICHIGO სუშის“ გახსნის ისტორია.
„ICHIGO სუში“ კაფე „ფრაგოლას“ აზიური ხაზია, რომელიც ბაზარზე 10 წელია არსებობს და თავის ნიშას ღირსეულად ინარჩუნებს.
რაც შეეხება აზიურ მიმართულებას, დიდი ხნის განმავლობაში გვქონდა ეს იდეა, თუმცა გადაწყვეტილება სულ ახლახან მივიღეთ. ძალიან ვღელავდით, თუ როგორ წარმოჩინდებოდა ICHIGO ბაზარზე, სადაც კონკურენცია დიდია; როგორ შევძლებდით გაზრდილი მოთხოვნის შემთხვევაში, მაქსიმალურად სრულყოფილი პროდუქტი შეგვექმნა, არ გაგვპარვოდა უმნიშვნელო ხარვეზიც კი. დიდხანს ვფიქრობდით დიზაინზე, მენიუზე, ლოგოსა და სახელზე.
ICHIGO იაპონურად, Fragola კი იტალიურად „მარწყვს“ ნიშნავს.
გვესაუბრეთ თქვენთან წარმოდგენილი პროდუქციის შესახებ.
როგორც ყველა კერძი ჩვენს კომპანიაში, ICHIGO სუშიც უმაღლესი ხარისხის ინგრედიენტებით მზადდება, უშუალოდ შეკვეთის შემოსვლისას, ამ ეტაპზე მხოლოდ ონლაინ გაყიდვის პლატფორმებზეა წარმოდგენილი, მენიუზე დიდხანს ვმუშაობდით, რამდენიმე დღეში გემრიელი მათ შორის ძალიან განსხვავებული როლებით და წარვსდგებით.
მთავარი ნიშა, რომელიც „ICHIGO სუშის“ გამოარჩევს.
ვფიქრობ, სხვა არსებული ბრენდებისგან ჩვენი დიდი ჩართულობა გამოგვარჩევს. ეს მხოლოდ სიტყვები არაა. მერწმუნეთ, სუშის დამზადების პროცესს მთელი გუნდი ვაქცევთ ყურადღებას, თუ როგორი პროდუქტით მზადდება, როგორია ვიზუალი და როგორ გამოიყურება შეფუთვაში. თითოეული მცირე შეკვეთაც კი ჩვენთვის ძალიან მნიშვნელოვანია, ყოველთვის ველოდებით მომხმარებლის უკუკავშირს, უმნიშვნელო შენიშვნასაც კი აუცილებლად ვითვალისწინებთ.
გვესაუბრეთ „ICHIGO სუშის“ თანამშრომლების შესახებ.
ჩემი გუნდი გამოცდილი და პროფესიონალი კადრებით არის დაკომპლექტებული, რაც მათ საუკეთესოს ხდის. თითოეულ მათგანს ძალიან უყვარს თავისი საქმე.
შეფმზარეული ჩვენი სტუმრებისთვის უკვე ძალიან დიდი ხანია ჩვენთან ერთად ქმნის პატარ-პატარა დღესასწაულებს. მისი გამორჩეული ხედვა და პროფესიული ხელი არა მარტო აზიურ მიმართულებას, არამედ სრულიად ჩვენს ბრენდს ეტყობა.
რას ექცევა ყველაზე დიდი ყურადღება „ICHIGO სუშიში“?
ვფიქრობ, წარმატებას აუცილებლად განსაზღვრავს ის ფაქტორი, რომ ყველაფერს ვქმნით სიყვარულითა და მონდომებით, რითაც არასდროს ვიღლები. შესაბამისად, ჩვენთვის ძალიან მნიშვნელოვანია მომხმარებლის აზრი.
გვესაუბრეთ თქვენი სამომავლო გეგმების შესახებ.
ძალიან ბევრი რამ გვაქვს გეგმაში. უპირველეს ყოვლისა, ვმუშაობთ ჩვენი პროდუქციის შეფუთვაზე, რომელიც კიდევ უფრო საინტერესოდ იქნება წარმოდგენილი. ვინაიდან, გვსურს ჩვენი მომხმარებელი არა მარტო გემრიელ კერძს, არამედ მის ლამაზ შეფუთვასაც ელოდებოდეს.
ტექსტი: მარიამ მთივლიშვილი
ფოტო: მაკა მეგრელიძე
