ბრედლი კუპერი და მარგო რობი „Ocean’s Eleven“-ის ახალი ფილმის გადასაღებ მოედანზე გამოჩნდნენ. Warner Bros.-ის ახალი ფილმი საკულტო კრიმინალური ფრენჩაიზის პრიქველია და მისი მოქმედება 1960-იან წლებში ვითარდება. პროექტში კუპერი არა მხოლოდ მთავარ როლს ასრულებს, არამედ ფილმის რეჟისორი და სცენარისტიცაა. გადაღებები ამჟამად პარიზში მიმდინარეობს.
გადასაღებ მოედანზე ასევე დააფიქსირეს მონიკა ბარბარო. მის გარდა, ფილმის მსახიობთა შემადგენლობაში არიან ვაგნერ მოურა, ჯოშ გადი, ვიკი კრიპსი, ჯორჯ მაკეი, ომარ სი, ლორენ რიდლოფი და ჯეკ ჰოლდენი.
ახალი ფილმი 2001 წლის „Ocean’s Eleven“-ის მოვლენებამდე ვითარდება და ამჯერად ისტორიის ცენტრში ჯორჯ კლუნის პერსონაჟის, დენი ოუშენის მშობლები არიან.
მარგო რობიმ ფილმის სიუჟეტის შესახებ დეტალები ჯერ კიდევ აპრილში გაამხილა. მისი თქმით, ისტორია 1962 წელს ვითარდება და მთავარი პერსონაჟები მონაკოს გრან-პრიზე დიდი ძარცვის დაგეგმვას ცდილობენ. ცნობილია, რომ ფილმში კუპერი დენი ოუშენის მამის როლს შეასრულებს, რობი კი მის მეუღლეს განასახიერებს.
კუპერისთვის ეს კიდევ ერთი მნიშვნელოვანი სარეჟისორო პროექტია „A Star Is Born“-ისა და „Maestro“-ს შემდეგ.
პროექტის შემადგენლობა ბოლო წლებში რამდენჯერმე შეიცვალა. თავდაპირველად მარგო რობის პარტნიორად რაიან გოსლინგის კანდიდატურა განიხილებოდა, თუმცა საბოლოოდ მამაკაცის მთავარი როლი ბრედლი კუპერმა მიიღო. რეჟისორის პოზიციაზეც ცვლილება მოხდა – ფილმი თავდაპირველად ლი აიზეკ ჩანგს უნდა გადაეღო, თუმცა მან პროექტი შემოქმედებითი განსხვავებების გამო დატოვა და რეჟისორის სავარძელი კუპერმა დაიკავა.
ფილმის პრემიერა 2027 წლის 25 ივნისს არის დაგეგმილი. ამ დროისთვის პროექტს ოფიციალური სახელწოდება ჯერ კიდევ არ აქვს, თუმცა უკვე ცნობილია მისი მთავარი კონცეფცია – 2001 წლის ფილმში ჯორჯ კლუნის მიერ განსახიერებული დენი ოუშენი უკვე გამოცდილი თაღლითისა და ძარცვის ორგანიზატორია, ახალი ფილმი კი მაყურებელს მისი ოჯახის წარსულს გააცნობს.
ასევე დაგაინტერესებთ:
#OK! მარგო რობის გზა გაჭირვებული ბავშვობიდან “ბარბის” ჰოლივუდურ ცხოვრებამდე
#OK! ბრედლი კუპერისა და ჯიჯი ჰადიდის საქორწინო ბეჭდები ყურადღების ცენტრში – იქორწინა თუ არა წყვილმა?
