1997 წელს სამყარომ გაიცნო ბიჭუნა, სახელად ჰარი პოტერი. წიგნმა და ფილმა „ჰარი პოტერი და ფილოსოფიური ქვა“ ბევრ ადამიანს შეაყვარა თავი. ჰოგვორტსის სკოლაში ჯადოქრობის ხელოვნების დაუფლებამ, ქვიდიჩის შეჯიბრებებში მონაწილეობამ და ბოროტ ჯადოქართან საბრძოლველად მომზადებამ წარუშლელი შთაბეჭდილება დატოვა როგორც მკითხველზე, ისე მაყურებელზე. ,„ჰარი პოტერი“ დღემდე აგრძელებს ადამიანების გულების მოჯადოებას და სწორედ აღნიშნული წიგნის სიყვარული გახდა „ოლივანდერის მაღაზიის“ შექმნის მთავარი იდეა.
ერთ დღესაც, საქართველოში „პოტერჰედები“ შეიკრიბნენ და გადაწყვიტეს შეექმნათ „ოლივანდერის მაღაზია“, სადაც „ჰარი პოტერის“ მოყვარულები შეძლებდნენ მათთვის საყვარელი საკულტო ფილმებისა და პერსონაჟების ნივთების შეძენას.
„შექმნის დღიდან, „ოლივანდერის მაღაზიის“ მიზანი იგივეა, რაც მისი სლოგანი – ჩვენ ვასრულებთ პოტერჰედთა ოცნებებს. დაწყებული დროის მდევრით, დამთავრებული ჯადოსნური ნაყენების ქვაბით, „ოლივანდერში“ ნებისმიერ ჯადოსნურ ნივთს იპოვით, რომელიც ჰოგვორტსში სწავლის პერიოდში შეიძლება დაგჭირდეთ“.’ – ამბობენ „ოლივანდერში“.
რა თქმა უნდა, ყველაზე მეტად ჯადოქრობა და მაგია „ოლივანდერის მაღაზიაში“ იგრძნობა. აქ შეგიძლიათ მთელი რიგი ჯადოსნური საჩუქრების შეძენა, როგორიცაა ჰარი პოტერის ჟელიბონები, პოტერის შოკოლადის ჯოხი, ბერტი ბოტის ყველა გემოს კანფეტი. მოგეხსენებათ, აღნიშნული კანფეტი მეოცე საუკუნის დასაწყისში ჯადოქარმა კონდიტერმა – ბერტი ბოტმა სულ შეცდომით შექმნა. მას კანფეტის ქვაბში შემთხვევით ბინძური წინდა ჩაუვარდა, რამაც კანფეტს მრავალი გემო მისცა – დაწყებული ალუბლისა და ტორტის არომატებით, დამთავრებული მიწის ჭიისა და ყურის გოგირდის.
გარდა ამისა, „ოლივანდერის მაღაზიის“ ჯადოქრების სამყაროში იპოვით საკოლექციო ჯოხებს, Quibbler-ის ყელსაბამს, ჰარი პოტერის ბრელოკებს და სხვა საინტერესო აქსესუარებს. განსაკუთრებით აღსანიშნავია ჯადოქრული ტკბილეულობა, რომელიც თანაბრად აოცებს და ახალისებს როგორც პატარებს, ასევე დიდებს. ჯადოსნურ სამყაროში არსებობდა საყოველთაოდ ცნობილი და ყველასთვის საყვარელი შოკოლადის ბაყაყები. შოკოლადის ბაყაყი ჯადოსნური ინგრედიენტისაგან – კროკოასგან იყო დამზადებული, რაც ბაყაყს ჯადოსნურ თვისებებებს ანიჭებდა. შეფუთვის გახსნის შემდგომ ბაყაყი აუცილებლად გადაგიხტებოდათ და თქვენ მისი დაჭერა მოგიწევდათ. ყოფილა შემთხვევები, როდესაც გამოუცდელ ჯადოქარს საკუთარი ნუგბარი გაჰქცევია. შოკოლადის ბაყაყის შეძენა „ოლივანდერშიც“ შეგიძლიათ, თუმცა გარწმუნებთ, რომ ამჟამად ბაყაყი არ გაგექცევათ.
„ოლივანდერის მაღაზიის“ მომხმარებელი ის გულანთებული ახალგაზრდები არიან, რომლებმაც ეს-ესაა დაასრულეს „ჰარი პოტერის“ კითხვა და ჯადოქრული სამყაროთი მონუსხულები არიან. ისინი იზიარებენ იმ ღირებულებებსა და ფასეულობებს, რაც ჰარი პოტერის წიგნებსა და ფილმებშია გადმოცემული – ამბავი სიკეთის, მეგობრობისა და გამბედაობის შესახებ.
ყველას, ვისაც აქვს სურვილი, კიდევ ერთხელ შეაღოს „ჰარი პოტერის“ ზღაპრული სამყაროს კარი, „ოლივანდერის მაღაზიის“ კარი მათთვის ღიაა შემდეგ მისამართებზე:
- კორნელი კეკელიძის 5;
- სითი მოლი საბურთალო;
- ბათუმი მოლი, ზურაბ გორგილაძის 88, ბათუმი
- გალერია თბილისი ;
სულ ახლახან გაიხნა „გალერია თბილისის“ ფილიალი (კინოთეატრ „კავეას“ ტერიტორიაზე). აღნიშნული ფილიალის შექმნის ინსპირაცია მრუდე ქუჩა გახლდათ, სადაც ჯადოქრების სამყაროში იპოვიდით ნებისმიერ ნივთს, რომელიც ჯადოქარს შეიძლებოდა დასჭირვებოდა – მფრინავი ცოცხები, მანტიები, ჯადოსნური ცხოველები და მცენარეები, ჯადოსნური წიგნები და ყოველდღიური მოხმარების საგნები. მრუდე ქუჩაზე ჯადოქრების ჯადოსნური ბანკიც კი იყო.
და თუ წვიმიან ამინდში მრუდე ქუჩაზე სასეირნოდ არ გცალიათ, მაშინ შეგიძლიათ „ოლივანდერის მაღაზიი“ს საიტიდან – ollivander.ge-დან თავად გამოიწეროთ თქვენთვის სასურველი ჯადოსნური ნივთები და ოლივანდერის ბუები უმალ მოგიფრენენ თქვენს შეკვეთას თქვენთვის სასურველ მისამართზე. აგრეთვე, „ოლივანდერის მაღაზიის“ ნივთები შეგიძლიათ შეიძინოთ ვოლტის პლატფორმის გამოყენებითაც.
„ოლივანდერის მაღაზიის“ ბრენდული ფილიალების გარდა, პოტერჰედებს ჯადოსნური ნივთების შეძენა Superheroes Shop-ის ფილიალებშიც შეუძლიათ.
მომავალ თავგადასავლამდე! გახსოვდეთ, ოცნებები სრულდება.
ტექსტი: სოფიო მალანია
