David Crane-ის და Marta Kauffman-ის მიერ შექმნილი ლეგენდარული სიტუაციური კომედია, 90-იანი წლების ერთ-ერთი ყველასათვის საყვარელი სატელევიზიო სერიალი “მეგობრები” ტელეეკრანებს უბრუნდება. ათი სეზონისგან შემდგარი პროექტი, რომელიც პირველად NBC-ის საშუალებით საზოგადოებამ 1994 წლის 22 სექტემბერს იხილა 2004 წლის 6 მაისამდე წარმატებით აგრძელებდა მაყურებლის გამხიარულებას. მანჰეტენზე მცხოვრები ექვსი მეგობრის ისტორიის გაგრძელებას საზოგადოება კვლავ იხილავს, Reunion-ში, რომელსაც HBO Max შემოგვთავაზებს, კვლავ მაყურებლის საყვარელი მსახიობები მიიღებენ მონაწილეობას: დეივიდ შვიმერი, კორტნი კოქსი, ჯენიფერ ენისტონი, მეთიუ პერი და მეთ ლენლანკი. როგორც უცხოური გამოცემები იუწყებიან ახალი ეპიზოდის პრემიერა 27 მაისს შედგება, მანამდე კი გთავაზობთ ცნობილი ადამიანების სიას, რომელთა შორის ლედი გაგა, დევიდ ბექჰემი, რიზ უიზერსპუნი, ჯასტინ ბიბერი, სინდი კროუფორდი, კარა დელევინი და სხვა ბევრი ვარსკვლავები არიან.
იხილეთ “მეგობრების” ახალი ეპიზოდის პირველი თიზერი
