ფრანგული კინო მუდმივი შთგონების წყაროა მოდისთვის და არა მხოლოდ, განსაკუთრებით კი როცა საქმე წყვილებს ეხება. ფრანგულ კინოს ყოველთვის ყავდა ფავორიტი წყვილები, მაგალითად: ბრიჯიტ ბარდო და როჯერ ვადიმი, მარიონ კოტიარი და გიომ კანე და სხვ. დღეს ერთ-ერთ ყველაზე მომხიბვლელ წყვილად ლეტიცია კასტა და ლუი გარელი ითვლება. კასტა Victoria’s Secret-ის ყოფილი ანგელოზი და ივ სენ ლორანის მუზა, ამჟამად კი მსახიობია, ხოლო ლუი გარელი ფრანგული კინოს ერთ-ერთი გამორჩეული სახეა.
მიუხედავად იმისა, რომ წყვილი მალავდა ურთიერთობას, 2015 წლის გაზაფხულზე უცხოური პრესა ლეტიცია კასტასა და ლუი გარელის რომანზე ალაპარაკდა.
,,The Dreamers-ის ვარსკვლავი ხუთი წლით უფროს ცნობილ მოდელს ხვდება’’,
,,ყველაზე ჰარმონიული და იდეალური წყვილი ფავორიტ წყვილებს შორის’’ – იწერებოდა ფრანგული პრესა.
კასტა ლუი გარელის მუზა გახდა, მისით შთაგონებულმა გარელმა ბედი რეჟისურაში სცადა და ,,A Faithful Man’’ გადაიღო, სადაც მას პარტნიორობას სწორედ ლეტიცია კასტა უწევს.
ლეტიცია იხსენებს გადაღების პროცესს – ,,გადაღებისას ლუიმ მომმართა – ,,ჩემო სიყვარულო’’- მე კი მას ვუთხარი- ,,შენი სიყვარული სახლში დარჩა..’’
თუ აქამდე ფრანგ მაყურებელს ორივე ვარსკვლავი ცალ-ცალკე უყვარდა, ეხლა უკვე ,,ერთად’’ შეიყვარა.
მიუხედავად იმისა, რომ ლეტიცია ინტერვიუებში აღნიშნავდა, რომ ქორწინების ეშინოდა, ,,მეოცნებე’’ ლუიმ შეძლო მოდელს ეს შიში დაეძლია და 2017 წელს საკურთხევლამდე მიეყვანა. 2021 წელს კი ბედნიერ წყვილს შვილი შეეძინა.
„მე მიყვარს ლუის უხერხულობა, მისი მხიარულება, მისი ენთუზიაზმი, მისი ინტელექტი. ის სასაცილოა, მე არ მბეზრდება მასთან. ” – აღნიშნავს ინტერვიუში კასტა.
ჩვენ კი ლუი გარელი მაშინ შეგვიყავრდა, როცა პირველად ვნახეთ ,,The Dreamers’’-ში, სწორედ ამ როლით დაიმკვიდრა მან ადგილი ფრანგულ კინოში. ხოლო ლეტიციამ მისი შესრულებული როლებით დაამტკიცა, რომ ის არა მხოლოდ ლამაზი ქალი, არამედ ნიჭიერი მსახიობიცაა.
2021 წელს წყვილმა კიდევ ერთხელ ითამაშა ერთად ფილმში ,,The Crusade’’. ეჭვი არავის ეპარება იმაში, რომ წყვილი კიდევ არაერთ კინო-პროექტს შექმნის ერთად, რადგან ისინი შთაგონებას ერთმანეთისგან იღებენ.
