საქართველოში საპროტესტო აქციები ამ დრომდე გრძელდება. შეკრების ადგილად მომიტინგეებმა ევროპის მოედანი შეირჩიეს, აქციას კი “ევროპის მარში” ეწოდა. Აქციის მონაწილეები ერთი მიზნით გაერთიანებული ევროპის მოედნისკენ სხვადასხვა ადგილიდან დაიძრნენ. მონაწილეები 7 საათზე მეტროსადგურ „300 არაგველთან”, რესპუბლიკისა და მარჯანიშვილის მოედნებზე შეიკრიბნენ. მსვლელობას ასევე დედებიც შეუერთდნენ.
“Mapchecking”-ის შეფასებით, ევროპულ მარშში სულ მცირე 200 000 ადამიანი იღებდა მონაწილეობას. ევროპული მარში, სიმბოლურად, ევროპის დღის აღსანიშნავად გაიმართა. ამით საქართველოს მოქალაქეები ადასტურებენ ურყევ სურვილს, ჩვენი ქვეყანა ევროკავშირის წევრი გახდეს. Აქციას ყველა თაობის წარმომადგენელი შეუერთდა, მოედანზე საქართველოს ჰიმნი გაისმა. შეკრებილებს ხელში საქართველოსა და ევროკავშირის დროშები ეჭირათ და გაშლილი ჰქონდათ ბანერები წარწერით : „ძალა ერთობაშია, ძალა ევროპაშია“; კი ევროპას, არა რუსულ კანონს“.
OK! გთავაზობთ 11 მაისის მარშის ფოტორეპორტაჟს
თათია ხარაიშვილი
