UFC-ის მსუბუქი წონის ქართველი ჩემპიონის პირად ცხოვრებაში რთული პერიოდია – დასავლეთის სპორტული მედიის ინფორმაციით, ილია თოფურიას მეუღლემ, ჯორჯინა უზკატეგიმ სასამართლოში განქორწინებაზე სარჩელი შეიტანა.
ის, რომ წყვილის ურთიერთობაში პრობლემებია, ერთი თვის წინ გახდა ცნობილი, როდესაც ილიამ და ჯორჯინამ სოციალურ ქსელში ერთმანეთის გამოწერა შეწყვიტეს და ერთობლივი ფოტოები წაშალეს.
ამჯერად, დასავლური სპორტული გამოცემის, კერძოდ, Sportscasting -ის ინფორმაციით, ჯორჯინა ოფიციალურ განქორწინებას და ჩემპიონის ქონების ნახევარს ითხოვს. ჯერჯერობით, წყვილს განქორწინების შესახებ განცხადება არ გაუკეთებია, ჩემპიონი კი მედიასთან პირად ცხოვრებაზე საუბარს ერიდება.
ილია თოფურიამ ჯორჯინა 2021 წელს, მაიამიში გაიცნო და 2024 წლის აპრილში, ესპანეთში იქორწინა. ჯორჯინა მეწარმე და კომპანია “Future and Energy” დამფუძნებელია, რომელიც ფლორიდაში მდებარეობს და წყლის გამწმენდი სისტემების უზრუნველყოფას ესახურება. წყვილს ერთი წლის წინ ქალიშვილი შეეძინა, რომელსაც დედის სახელი, ჯორჯინა დაარქვეს.
ჯორჯინასთან განქორწინებაზე გავრცელებული ჭორების ფონზე ილია თოფურია ღამის მადრიდში ცნობილ ადამიანებს ხვდება. ჩემპიონი ვახშამზე იმყოფებოდა ევა ლონგორიასთან, ვიკი მარტინ ბეროკალთან და მარ საურასთან ერთად.
შეგახსენებთ, რომ ილია თოფურია, როგორც წარმატებული სპორტსმენი, საზოგადოებამ 2024 წლის 18 თებერვალს გაიცნო, როდესაც ალექსანდრე ვოლკანოვსკის დამარცხების შემდეგ, ის UFC-ის პირველი ქართველი ჩემპიონი გახდა.
ასევე დაგაინტერესებთ
#OK! ილია თოფურია და ჯორჯინა უზკატეგუია მალე გოგოს მშობლები გახდებიან!
