შეუდარებელი მერილ სტრიპი, ენ ჰეთეუეი და სტენლი ტუჩი, 20 წლის შემდეგ, ოფიციალურად ბრუნდებიან ფილმში „ეშმაკს აცვია პრადა 2″. სტუდია 20th Century-მა ოფიციალურად დაადასტურა, რომ გადაღებები დაწყებულია და პრემიერა 2026 წლის მაისში შედგება.
View this post on Instagram
გარდა, ორიგინალი ქასთისა, შემადგენლობას კენეტ ბრანაც შეუერთდება, რომელიც მირანდა პრისტლის ქმარს განასახიერებს. ის ჟურნალ Runaway – ს მთავარი რედაქტორია. დისნეის ჯგუფმა ინფორმაცია ინსტაგრამზე ოციციალურად დაადასტურა.
შემოქმედებითი გუნდი, ფაქტობრივად, იგივეა. რეჟისორი ისევ დევიდ ფრენკელი, ხოლო სცენარის ავტორი ალინ ბროში მაკენაა.
ფილმი დაფუძნებულია ლორენ ვაისბერგერის 2004 წლის ამავე სახელწოდების ბესტსელერზე, რომელიც ჟურნალისტობაზე მეოცნებე ენდი საქსის (ენ ჰეთეუეი) ამბავს მოგვითხრობს. ის პრესტიჟულ მოდის ჟურნალში იწყებს მუშაობას და თავისი ოცნების ასახდენად ყოველდღიურად უწევს თავისი უსაზღვროდ მომთხოვნი ბოსის პრეტენზიების ატანა.
ზუსტად მაშინ, როცა მირანდა პრისტლი ეკრანებზე ბრუნდება, მისი რეალური პროტოტიპი, ანა ვინტური, რომელმაც თანამედროვე მოდის სტანდარტები შექმნა, Vogue-ის მთავარი რედაქტორის პოზიციას ტოვებს. ის Condé Nast-ის გლობალური კონტენტის დირექტორის პოზიციას შეინარჩუნებს და ისეთი პროექტების ხელმძღვანელობას გააგრძელებს, როგორიცაა Met Gala და Vogue World.
ფილმის მეორე ნაწილის სიუჟეტური დეტალები ჯერ არ არის ოფიციალურად დადასტურებული, თუმცა გავრცელებული ინფორმაციით, ფილმი მოგვითხრობს მირანდა პრისლის კარიერულ გამოწვევებზე ტრადიციული ბეჭდური მედიის დაცემის ფონზე.
ეშმაკს აცვია პრადა 2 კინოთეატრებში 2026 წლის 1 მაისს გამოვა.
