ელისაბედ II-ის სტილი ერთი შეხედვით მარტივი იყო — ფერადი მონოქრომული კოსტიუმები, დაბალი შავი ქუსლები, მარგალიტის სამკაული და ყოველთვის იდეალურად დატანილი ტუჩსაცხი. 1953 წლის 2 ივნისს, ვესტმინსტერის სააბატოში გამართული კორონაცია ისტორიული მოვლენა იყო — პირველად ბრიტანეთის მონარქის კორონაცია პირდაპირ ეთერში გადაიცემოდა ტელევიზიით. სწორედ ამიტომ, დედოფლის გარეგნობას განსაკუთრებული ყურადღება დაეთმო.
:max_bytes(150000):strip_icc():focal(845x0:847x2)/coronation-portait-2000-e4e07c3b08314257a1d0a53cfc87c73d.jpg)
იმ დროის ტელეკამერები რთულ პირობებში მუშაობდა: შავ-თეთრი ტრანსლაცია, ძლიერი განათება და ფერადი ფირით გადაღებული ცალკეული კადრები მაკიაჟს ნამდვილ გამოწვევად აქცევდა. ვიზაჟისტების მთავარი მიზანი იყო — სახე ბუნებრივად, მაგრამ გამოკვეთილად გამოჩენილიყო ნებისმიერი განათების ქვეშ და მაკიაჟს რამდენიმე საათის განმავლობაში იდეალური იერი შეენარჩუნებინა.
კორონაციის მაკიაჟის შექმნას თითქმის ექვსი თვე დასჭირდა. ვიზაჟისტები მუშაობდნენ სპეციალურად შერჩეულ მოდელებთან, რომლებიც დედოფალს კანის ტონითა და სახის ფორმით ჰგავდნენ. მიუხედავად იმისა, რომ ახალგაზრდა ელისაბედი ყოველდღიურ ცხოვრებაში მინიმალისტურ მაკიაჟს ამჯობინებდა, საბოლოოდ მიიღეს გადაწყვეტილება — მთავარი აქცენტი ტუჩებზე გაკეთებულიყო.
კორონაციისთვის შეიქმნა სპეციალური ტუჩსაცხის ფერი — The Balmoral Lipstick, რომელიც დედოფლის საყვარელი შოტლანდიური სასახლის პატივსაცემად დაარქვეს. ტონი იდეალურად ერწყმოდა კორონაციის მანტიის ღრმა ალისფერ ფერს და კამერის წინ სახეს მკაფიო კონტურს აძლევდა. იმ მომენტიდან, წითელი ტუჩსაცხი გახდა ელისაბედ II-ის ვიზუალური ხელწერა.
რატომ ატარებდა დედოფალი ყოველთვის ნათელ ტუჩსაცხს? სამეფო სტილისტების თქმით, მიზეზი მხოლოდ ესთეტიკა არ ყოფილა. წითელი ტუჩსაცხი სახის გამომეტყველებას უფრო მკაფიოს ხდიდა დიდ დისტანციაზე, საზოგადოებრივი გამოსვლების დროს ემოციების უკეთ აღქმას უზრუნველყოფდა და ქმნიდა სიმტკიცისა და ავტორიტეტის ეფექტს.
საინტერესოა, რომ დედოფალი მაკიაჟს ხშირად თავად იკეთებდა — ეს სამეფო პროტოკოლისთვის საკმაოდ უჩვეულო ფაქტი იყო.
ელისაბედ II ოფიციალურად უპირატესობას მხოლოდ იმ კომპანიებს, რომლებიც წლების განმავლობაში ამართლებდნენ ხარისხის სტანდარტს. ერთ-ერთი ასეთი ბრენდი გახდა ამერიკული Elizabeth Arden. ბრენდი სამეფო კარზე ათწლეულების განმავლობაში ამარაგებდა კოსმეტიკას და სკინქეარ პროდუქტებს. საინტერესოა, რომ ბრიტანეთის მონარქისთვის ამერიკული ბიუთი-ბრენდის არჩევა იმ დროისთვის საკმაოდ მოულოდნელი გადაწყვეტილება იყო, თუმცა დედოფლისთვის ხარისხი ეროვნებაზე მნიშვნელოვანი აღმოჩნდა.
სამეფო სტილი დღემდე შთააგონებს ბიუთი-ინდუსტრიას. 2016 წელს Charlotte Tilbury-მ გამოუშვა ლიმიტირებული ტუჩსაცხი The Queen, რომელიც ალუბლისფერი ტონითა და ვარდისფერი ელვარებით სწორედ დედოფლის კლასიკური წითლის თანამედროვე ვერსიად მოიაზრებოდა.
