კანის კინოფესტივალი კინოინდუსტრიაში ერთ-ერთი მნიშვნელოვანი მოვლენაა, რომლის ისტორია 1939 წლიდან იწყება. მაშინ საფრანგეთის განათლებისა და კულტურის მინისტრს ყოველწლიურად ისეთი კულტურული ღონისძიების ჩატარება უნდოდა, რომელიც ვენეციის საერთაშორისო კინოფესტივალს გაუწევდა კონკურენციას. ინიციატივა მხოლოდ იდეის დონეზე არ დარჩენილა და 1939 წელს ფესტივალის ჩატარების ადგილად ქალაქი კანი შეირჩა. ფესტივალის დაარსებისთანავე დაწესდა დრესკოდი, რომლის დაცვაც წითელ ხალიჩაზე მოსახვედრად აუცილებელია,რადგან იგი არის პრესტიჟული ღონისძიება და ელეგანტურად ჩაცმა უნდა იყოს დაცული.
კანის კინოფესტივალის გზამკვლევშია ნათქვამია, რომ იკრძალება ყოველდღიური და სპორტული სამოსი, ასევე არ არის რეკომენდებული მოკლე ქვედაბოლოების ჩაცმა. ქალბატონებს ფესტივალზე უნდა ეცვათ საღამოს ან ე.წ „კოქტეილის კაბები“, რომელიც ნაკლებად ოფიციალურია. მონაწილეებმა უნდა შეარჩიონ ზომიერი ქუსლის ფეხსაცმელები და არ ჩაიცვან ე.წ „შლაპუნები“, რომლებიც სასტიკად იკრძალება. რაც შეეხება მამაკაცების ჩაცმულობას, აუცილებელი მოთხოვნაა შავი ჰალსტუხი და სმოკინგი. შესაძლებელია შავი სმოკინგისგან თავის არიდება, მაგრამ აუცილებელია ბაფთა. აკრძალვები ეხება აქსესუარებსაც, გზამკვლევის მიხედვით, იკრძალება დიდი ჩანთები.
წლების განმავლობაში დრესკოდი აერაერთ ვარკვლავს დაურღვევია. გთავაზობთ მათ ფოტოებს
პაბლო პიკასო , 1953
ლეგენდარულ მხატვარს 1953 წლის კანის კინოფესტივალზე ქურთუკი ეცვა, თუმცა წითელ ხალიჩაზე სიარულის უფლება მაინც ჰქონდა.
ტილდა სუინტონი, 2004
ტილდა სუინტონმა გვერდი აუარა პროტოკოლს და აირჩია დიდი, ბადეებიანი ჩანთა, რომელიც ფესტივალზე იკრძალება.
ჯულია რობერტსი, 2016
ჯულია რობერტსმა წითელ ხალიჩაზე ფეხსაცმლის გარეშე გაიარა, რითაც კანის კინოფესტივალის დრესკოდი დაარღვია.
კრისტენ სტიუარტი, 2018
კრისტენმა ქუსლიანები წითელ ხალიჩაზე გაიხადა და განაცხადა, რომ თუკი ბიჭებს არ აქვთ ქუსლიანებით სიარულის ვალდებულება, მაშინ არც ქალებს უნდა ჰქონდეთ.
DJ ქიდი სმაილი, 2019
ფრანგმა მუსიკოსმა, მოცეკვავემ და ტელეწამყვანმა DJ კიდი სმაილმა გააკრიტიკა კანის კინოფესტივალის დრესკოდი და წითელ ხალიჩაზე ყვავილებიანი კაბით მივიდა.
ჯენიფერ ლოურენსი, 2023
ჯენიფერ ლოურენსი წითელ ხალიჩაზე შლაპუნებით გამოჩნდა, თუმცა როგორც მან მოგვიანებით აღნიშა, არ იცოდა თუ ამით პროტოკოლს არღვევდა.
კრის ჰემსვორთი, 2024
კრის ჰემსვორტს არ ეკეთა ჰალსტუხი წითელ ხალიჩაზე, რითაც დააღვია პროტოკოლი, რადგან კინოფეტივალზე შავი ჰალსტუხი აუცილებელია.
