MISS DIOR ყოველთვის იყო ბედნიერების სურნელოვანი სიმბოლო, რომლის არომატიც, ფერადი ყვავილების ოკეანეში მოგზაურობას ჰგავს. ჯერ კიდევ 1947 წელს, ისტორიის მძიმე წლების შემდეგ, არომატმა ქალებს პოეზიის, ჰარმონიისა და ბედნიერების სურნელი შესთავაზა.
დიორის მოდის სახლმა, 2021 წელს კიდევ ერთხელ გააცოცხლა ლეგენდად ქცეული სუნამო და ქალებს ახალი MISS DIOR EAU DE PARFUM შესთავაზა. სუნამოს სახე კი, რაღა თქმა უნდა, კვლავ ნატალი პორტმანია. 2010 წლიდან, დიორის მოდის სახლი, მასთან ერთად აგრძელებს რომანტიკული და ჯადოსნური სუნამოს ისტორიას.
ტრადიციულად, სარეკლამო კამპანია სავსეა ზღაპრული და ემოციური კადრებით. ნატალი პორტმანი ჩვეული ოსტატობით გვიჩვენებს უამრავ ემოციას: იქნება ეს ცრემლები, კმაყოფილება თუ ვნება. ფაქტი ერთია, ახალი MISS DIOR – ესაა ყველაფერი სიყვარულის, თავდავიწყებისა და ყვავილების შესახებ. ათასი ყვავილით ნაქარგი MISS DIOR-ის საიდუმლო არომატი გრასის ვარდია – ყვავილი, რომელიც უნიკალურობის სიმბოლოდ იქცა. ეს სურნელი მოსაწვევია, რომელიც ქალების ბუნების სილამაზის აღსანიშნავად გამოაღვიძებს.
https://www.youtube.com/watch?v=62mUh2MEQr8&t=3s
სწორედ ესაა სარეკლამო კამპანიის მთავარი სათქმელიც – „გაიღვიძე სიყვარულისთვის“, რომელსაც ნატალი პორტმანი პირველივე კადრებში ამხელს. ხოლო შთამბეჭდავი კამპანიის დასასრულს, მსახიობი MISS DIOR-ის ყველაზე ცნობილ კითხვას გვახსენებს: ”და შენ, რას გააკეთებ სიყვარულისთვის?”. კითხვას, რომელიც ნებისმიერ მაყურებელს შთაგონებითა და რომანტიკით ავსებს, სწორედ ისევე, როგორც MISS DIOR-ის ყვავილოვანი სურნელი.
ახალი MISS DIOR EAU DE PARFUM აერთიანებს ხავერდოვან და მგრძნობიარე ემოციებს. სუნამოში გაერთიანებულია ნაზი ვარდების არომატი, შროშანების მაცოცხლებელი სურნელი და მძაფრი პიონების შთაგონება, რომელიც ხავერდოვანი ირისის არომატით გვირგვინდება. ხოლო მისი შეფუთვა „ოტ კუტურის“ პუინარდის ქსოვილის ბაფთითაა მორთული.
სარეკლამო კამპანიის კიდევ ერთი განსაკუთრებული დეტალია ზღაპრული აბრეშუმის კაბა, რომლითაც ნატალი პორტმანი MISS DIOR-ის სამყაროში მოგზაურობს. „მილეფიორის“ ყვავილებით მორთული კაბა მთლიანად ხელითაა მოქარგული და მის შექმნას, დაახლოებით, 500 საათი დასჭირდა. ახალი MISS DIOR-იც ხომ ფერადი ყვავილების თაიგულია, როგორც გრასის ვარდის ნოტებით გაცოცხლებული „მილეფიორი”…
