ბიზნესის სწორი მართვისთვის აუცილებელიც კია კონსულტაცია, ფინანსური მენეჯმენტი, საბუღალტრო საკითხების მოწესრიგება და სხვა ისეთი სერვისები, რომელსაც საკონსულტაციო კომპანია გთავაზობთ. კომპანია „დიმჰოლდინგი“ თანამშრომლობს როგორც ქართველ და უცხოელ ინვესტორებთან, ასევე მცირე და საშუალო ბიზნესთან. მისი მიზანია, საქართველოს ბაზარზე ის ასოცირდებოდეს ხარისხთან, ნდობასა და პროფესიონალიზმთან. თუ როგორია საქართველოში განვითარებული ბიზნესსაკონსულტაციო საქმიანობა და რა უპირატესობები აქვს ბაზარზე „ დიმიტრი კირხანიდის საკონსულტაციო ცენტრი“, ამის შესახებ უფრო ვრცლად მისი დამფუძნებელი, დიმიტრი კირხანიდი გვესაუბრა.
დიმიტრი კირხანიდი: DCKK არის საკონსულტაციო კომპანია, რომელიც საქართველოს თუ უცხო ქვეყნების მოქალაქეებს სთავაზობს მაღალხარისხიან საბუღალტრო, იურიდიულ და იუსტიციის სრულ მომსახურებას. ჩვენ კლიენტებს ვეხმარებით ისეთი საკითხების გადაჭრაში, როგორიცაა: კომპანიების რეგისტრაცია და მისი თანმდევი ბიუროკრატიული საკითხები, დოკუმენტაციების მომზადება, ხელშეკრულებების შედგენა, დროის გარკვეულ შუალედში (წლიური თუ თვიური) ფინანსური ანალიზი და ა. შ.
გვესაუბრეთ უპირატესობაზე, რატომ უნდა გააკეთოს კომპანიამ თუ ინვესტორმა თქვენზე არჩევანი?
პროფესიონალიზმი არის ის, რითაც ჩვენი გუნდი გამოირჩევა, რომელიც ჩვენი თანამშრომლობის კვალდაკვალ გამოგყვებათ სასურველი შედეგის მიღწევამდე. DCKK-ს გუნდი აერთიანებს ბუღალტრებს, იურისტებსა და იმ თანამშრომელთა ჯგუფს, რომელიც ასრულებს ყველანაირ სამუშაოს იუსტიციისა და ფინანსთა სამინისტროში და სხვადასხვა სასამართლო უწყებებში.
რეალისტური მოლოდინები – შემდგომი რამ, რასაც, ასევე, აუცილებლად ვუსახავთ ჩვენს კლიენტებს. ადეკვატური მოლოდინი ადეკვატურ შედეგს მიგვაღებინებს.
მოვიტან კონკრეტულ მაგალითსაც, რომელიც ადასტურებს ჩვენთან თანამშრომლობის ეფექტურობას: ქ. თბილისში, ნიშნიანიძის 30 ნომერში არსებულმა სასტუმრომ ერთხელაც გადაწყვიტა ჩვენი დახმარებით გადაეჭრა ის საბუღალტრო პრობლემები, რომლებიც დაწესებულებას ფუნქციონირებაში დიდ პრობლემებს უქმნიდა. მას შემდეგ ინვესტიციებმა ზრდა დაიწყო და ბოლოს 6 მილიონ დოლარს მიაღწია. დამეთანხმებით, ალბათ, რომ შედეგი ნამდვილად შთამბეჭდავია!
რამდენად მოთხოვნადია ზოგადად ბიზნესსაკონსულტაციო მომსახურება? და როგორაა საქართველოში განვითარებული ბიზნესსაკონსულტაციო საქმიანობა?
მოდი, გადავხედოთ საქართველოში რეგისტრირებულ ბიზნესსუბიექტთა რიცხვის ცვლილებას უკანასკნელი წლების განმავლობაში. სტატისტიკაზე ხელი ყველას მიგვიწვდება, შესწავლაც არ დაგვჭირდება, რადგან ცვლილება ნათლად ჩანს – ბიზნესრეგისტრთა რიცხვი ყოველწლიურად ათიათასობით ერთეულით მატულობს. თამამად შეიძლება ითქვას, რომ საქართველოში ბიზნესსაქმიანობა ყველაზე აქტუალურია. მთავარია გვქონდეს იდეა და მისი რეალიზებისთვის საჭირო რესურსები, დანარჩენში კი თავისუფალი ხართ, გზა ხსნილია როგორც საქართველოს, ისე სხვა ქვეყნის მოქალაქისთვის. თუკი, მაგალითად, საფრანგეთში ბიზნესის წამოსაწყებად ან უკვე წამოწყებულის ფილიალის გასახსნელად აუცილებელია ბანკში ანგარიშის გახსნა, ხოლო გერმანიაში ამ ანგარიშიდან თანხის გამოყენება ძლიერ შეზღუდულია, ლიმიტი ქმედებებში უზომოდ გვბოჭავს. საქართველოში კი ეს ყოველივე გაცილებით მარტივია.
რაც შეეხება ბიზნესსაკონსულტაციო საქმიანობას საქართველოში, ვფიქრობ, ერთ-ერთი უმთავრესი შეცდომა, რომელსაც საკონსულტაციო კომპანიები უშვებენ, არის საკუთარი მომსახურების კლიენტებისთვის საკმაოდ დაბალ, ზოგჯერ სულაც მიზერულ ფასებში შეთავაზება, აქედან გამომდინარე, შესაბამისი დაბალი ხარისხის მომსახურების გაწევა. ასეთ კომპანიებში სპეციალისტების კვალიფიკაცია ფიზიკურად ვერ ამაღლდება, ვინაიდან დამქირავებელს შესაბამისი ფინანსური თუ ინტელექტუალური რესურსები არ გააჩნია. ასეთი სპეციალისტების საქმე კი ხშირად დაუსრულებელი რჩება, კლიენტი კი, თავისთავად, – უკმაყოფილო. ის მეორედ ასეთ დაწესებულებას აღარ მიმართავს, – ნდობა დაკარგულია. თავად კომპანია კი კლიენტების დაკარგვის საფრთხის წინაშე დგება.
სწორედ ამიტომ „ დიმიტრი კირხანიდის საკონსულტაციო ცენტრი“ მომხმარებელთა ნდობაზეა ორიენტირებული. ჩვენ ნებისმიერი – საბუღალტრო, იურიდიული თუ იუსტიციის საკითხების მოგვარების სრულ პასუხისმგებლობას საკუთარ თავზე ვიღებთ. კლიენტს ჩვენი სახით ჰყავს დამხმარე მექანიზმი, შემდგარი პროფესიონალთა კოლექტივისგან, რომელსაც უკვე ნებისმიერი სახის ინფორმაცია მოძიებული აქვს, დოკუმენტაცია მომზადებული და კლიენტსაც აღარაფერი ევალება, გარდა იმისა, რომ ჩვენს საქმიანობას თვალი ადევნოს და პერიოდულად, გამოცხადდეს ამა თუ იმ დაწესებულებაში, ასევე ჩვენი თანხლებით. როგორც ხედავთ, ჩვენ სერვისების სრულ პაკეტს ვთავაზობთ მათ.
რა რჩევებს მისცემდით ინვესტორებს?
რა თქმა უნდა, სასურველია ფინანსური რესურსების მაქსიმალურად მოზიდვა და ჩართვა ბიზნესსაქმიანობაში. ჩვენ გრძელვადიან პერსპექტივას განვიხილავთ, რაც გულისხმობს იმას, რომ თავდაპირველად გაღებული ხარჯებით მომავალში მოგებას პოვებთ. რაც მეტია შენატანი, მით მეტია თქვენი მოგება, ყველაფერი მარტივია.
როგორია თქვენი საკონსულტაციო საქმიანობის განვითარების პერსპექტივა? სამომავლოდ რა გეგმები გაქვთ?
ჩვენ ვგეგმავთ, მჭიდროდ გავიდგათ ფესვები საქართველოს ბაზარზე და პარალელურად გავიდეთ საზღვარგარეთის ფართომასშტაბიან ბაზარზე. ჩვენი მიზანია, გრძელვადიანი და ერთგული ურთიერთობის დამყარება ინვესტორებთან, რაც, თავისთავად, ორმხრივ ძალისხმევასა და ჩართულობას გულისხმობს, რისთვისაც ჩვენ ყოველთვის მზად ვართ. გელით „დიმიტრი კირხანიდის საკონსულტაციო ცენტრში”, სადაც გრძელვადიანი ურთიერთობა მოკლე ვადებში იწყება!
ფოტო: ალექსეი სეროვი
