ახლა ზუსტად ის დროა, როცა საახალწლო სუფრისთვის მზადება და ფუსფუსი აქტიურ ფაზაში გადადის. ყველას გვსურს გავამზადოთ სუფრისთვის ისეთი კერძი, რომელიც თან მარტივი იქნება, თან გემრიელი, ბიუჯეტური, და რაც მთავარია − განსხვავებული. სწორედ ამიტომ, OK! გთავაზობთ თქვენთვის კარგად ცნობილი და საყვარელი შეფების საახალწლო რეცეპტებს, რომლებიც დარწმუნებულები ვართ თქვენი ოჯახის წევრებს ძალიან მოეწონებათ. ეს კერძები თქვენს საახალწლო სუფრას ორიგინალურსა და დახვეწილს გახდის. ასევე, მოგიყვებით თითოეული შეფის რესტორნის საახალწლო სპეციალურ შეთავაზებაზე. საახალწლო სუფრა წარმოუდგენელია ქართულ მინერალურ სასმელ „ბორჯომის“ გარეშე.
ჟურნალი OK! და „ბორჯომი“ დიდი შეფის სამზარეულოში შეგახედებთ.
შეფ ქეთი ბაქრაძეს „ვერის დუქანში“ ვესტუმრეთ. როგორც თავად ამბობს, უნდოდა ეს რესტორანი თბილისური დუქნის თანამედროვე ვარიანტი ყოფილიყო. რესტორანში შესვლისთანავე, შეამჩნევთ ფიროსმანის ცისფერ კედელს და შავ ჭერს. ძველი თბილისური ფოტოები ამ ადგილს განსაკუთრებით უხდება. რესტორანს დამატებითი საინტერესო კონცეფცია აქვს: სხვადასხვა რეგიონიდან ჩამოტანილი პროდუქტების ყიდვა შეგიძლიათ. „ვერის დუქანში“ დაგხვდებათ ნამდვილი თბილისური გარემო, ქართული მენიუ, რომელშიც ნათლად ჩანს ქეთი ბაქრაძის ინდივიდუალიზმი და რაც ყველაზე მნიშვნელოვანია, აქ გასინჯული კერძების გემო არასდროს დაგავიწყდებათ.
შეფმა ქეთი ბაქრაძემ ჟურნალ OK!-ისთან და „ბორჯომთან“ ერთად მოამზადა კერძი − ქათამი ტოსკანურად. ეს ქეთის საყვარელი კერძია და მისი ინსპირაციით საახალწლო სუფრას უფრო მრავალფეროვანს გავხდით.
ქათამი ნაღებში, ნუშით, და პარმეზანის სოუსში
გამოდის 4 ადამიანისთვის
მომზადების დრო: 15 წუთი
სირთულე − მარტივი
500 გრამი ფილე. დავჭრათ თხლად და დავამარინადოთ ცოტა ზეთში, ლიმონში, და დავაყაროთ ბრინჯის ან სიმინდის სახამებელი. მარილი, პილპილი გემოვნებით. გავაჩეროთ 30 წუთი.
500 გრ ისპანახი
100 გრ მზეზე გამომცხვარი პომიდორი ჩერი
200 გრ ნაღები
100 გრ ყველი პარმეზანი
ნუშის ფანტელები
ამ ყველაფერს სჭირდება ნახევარი ჭიქა თეთრი მშრალი ევროპული ტიპის ღვინო.
გაცხელებულ, ცხიმწასმულ ტაფაზე ვწვავთ ქათამს, შემდეგ ვუმატებთ მზეზე გამომშრალ პომიდორს, შემდეგ ნაღებს და დაახლოებით 3 წუთის შემდეგ ღვინოს ვასხამთ. ღვინოც რომ წამოდუღდება, ბოლოს ვუმატებთ ისპანახს, ნუშის ფანტელებს და პარმეზანს. ეს კერძი ძალიან მარტივი, არომატული და რაც მთავარია, ბიუჯეტურია.
უზომოდ მიყვარს ახალი წელი. ჩემთვის ეს დღესასწაული ასოცირდება ოჯახურ გარემოსთან. სწორედ ამიტომ, გადავწყვიტე გამეკეთებინა სპეციალური საახალწლო მენიუ − როგორც ქართული ტრადიციული, ასევე ევროპული კერძებით.
მომხმარებელი თავად აირჩევს სასურველ სადღესასწაულო სუფრას. რესტორან „ვერის დუქნის“ საახალწლო მენიუს შეკვეთა 29 დეკემბრამდე იქნება შესაძლებელი.
