ქართველი მომღერალი, ნუცა ბუზალაძე დაინიშნა. ამის შესახებ საზოგადოებას სოციალური ქსელის საშუალებით აცნობა. ნუცა აღნიშნავს, რომ მეორე ნახევარი American Idol-ის ფინალში გაიცნო.
,,Darren ჩემს ცხოვრებაში მაშინ შემოვიდა, როცა American Idol ის ფინალში ვმღეროდი. ის არ იყო უბრალოდ აგენტი, ის იყო სუუუუპერ აგენტი! მას შემდეგ რაც კონტრაქტი გავაფორმე მის კომპანიასთან, ყოველთვის ჩემზე მთელი გულით ზრუნავდა და ჩემი კარიერისთვის შეუძლებელს აკეთებდა.
დროთა განმავლობაში შევნიშნე, რომ იყო უფრო ღრმა და ნამდვილი. მან ჩემი გული მოიპოვა, იმ გზით, როგორითაც მხოლოდ ღვთისგან მოვლენილი სიყვარული ახერხებს. ჩვენი კავშირი თავიდანვე რწმენაზე, სიმართლეზე და ღვთის სიყვარულზე იყო დაფუძნებული. ის გახდა ჩემი ყველაზე ახლო ადამიანი, ვის გვერდითაც თავს ყველაზე დაცულად და ბედნიერად ვგრძნობდი”.
მომღერალი აღნიშნავს, რომ ლოს-ანჯელესში გადასვლის შემდეგ მათი ურთიერთობა სულ სხვა ეტაპზე გადავიდა და ეს მხოლოდ პროფესიული აღარ იყო.
,,ხშირად ვლოცულობდი და ვთხოვდი უფალს, რომ გამოეგზავნა ჩემს ცხოვრებაში ადამიანი, რომელიც ჩემს ღირებულებებს დააფასებდა, რომელიც სიგიჟემდე შემიყვარებდა, რომელიც ყოველ დღე დედოფლად მაგრძნობინებდა თავს, გულით გამაცინებდა და თავს ყველაზე იღბლიან ქალად მაგრძნობინებდა”. – წერს ნუცა ბუზალაძე.
