რამდენმიმე დღის წინ უკრაინისა და რუსეთის დელეგაციებს შორის მოლაპარაკებები გაიმართა. უკრაინის დელეგაციას წარმოშობით ქართველი ბიზნესმენი დავით არახამია წაროადგენდა. 42 წლის ბიზმესმენი უკრაიანში თავისუფალი ჩაცმულობის სტილითაა ცნობილი. მოლაპრაკებების მაგიდაზეც არახამიამ ,,დრესს-კოდის” დარღვევით ჩაცმული გამოჩნდა. ქართულ საზოგადოებაში მის მიმართ დიდი ინეტრესია. სოციალურ ქსელებში ის დემნა გვასალიასაც მიამსგავსეს. OK! უფრო ახლოს გაგაცნობთ პოლიტიკოსს და მრავალშვილიან მამას გაგრადან.
ბიოგრაფია:
გაგრიდან დევნილი დავით არახამია David Braun-ის სახელით არის ცნობილი. ის უკრაინის რადას ფრაქცია “ხალხის მსახურის” თავმჯდომარეა. დაიბადა 1979 წლის 23 მაისს სოჭში. გარკვეული პერიოდი აფხაზეთში ცხოვრობდა, აფხაზეთის ომის შემდეგ ცოტა ხანი იცხოვრა თბილისში, თუმცა მალევე ოჯახი ნიკოლაევში გადავიდა საცხოვრებლად. იქ გაიზარდა და დაამთავრა 36-ე საშუალო სკოლა.
,,რადიო თავისუფლებასთან’’ საუბრისას ის იხსენებს ბავშვობას:
,,მახსოვს ბავშვობა..ზოგადად ბავშვობა ყოველთვის იმაზე უკეთესი გახსენდება ვიდრე არის.. თუმცა მე მართლა მაგარი ბავშობა მქონდა, რადგან გაგრა ნამდვილი მარგალიტი იყო, როგორც ადრე უწოდებდა ყველა, მათ შორის საბჭოთა კავშირის მთელი პარტიული ხელმძღვანელობა ჩადიოდა იქ. იყო უამრავი აგარაკი. გვქონდა პარკი, სადაც მრავალი ეგზოტიკური მცენარე ხარობდა, სადაც ფარშევანგები სეირნობდნენ…’’
როგორც არახამია ამბობს როცა გაგრიდან წამოვიდა მაშინ მიხვდა თუ როგორ უნიკალურ ქვეყანაში ცხოვრობდა
,, რადგან იქ გავიზარდე, მეგონა, რომ ყველგან ასე უნდა ყოფილიყო. როცა იქიდან წამოვედი მხოლოდ მაშინ მივხვდი, რომ ეს არის უნიკალური ქვეყანა, რომ იქ ცხოვრობს ხალხი, სტუმართმოყვარე, ხალხი, რომელსაც უყვარს ერთმანეთის დაპატიჟება. ჩვენ ვცხოვრობდით ეზოში, სადაც მეზობლები იკრიბებოდნენ და თამშობდნენ ლოტოს. ეს არის ძალიან სოციალური ქვეყანა, ერთი სიტყვით კარგი მოგონებები მაქვს,’’
პოლიტიკაში მოსვლამდე 2002 წელს მან დააარსა TemplateMonster IT კომპანია, რომელიც გახდა ერთ-ერთი მსოფლიო ლიდერი ვებსაიტების შაბლონების დანერგვაში. 2013 წელს არახამიამ კომპანია გაყიდა და მასში $100 მილიონზე მეტი მიიღო.
2019 წლის აგვისტოში აირჩიეს ფრაქცია „ხალხის მსახურის“ თავმჯდომარედ. ის არის ეროვნული უსაფრთხოების, თავდაცვისა და დაზვერვის კომიტეტის წევრი. უკრაინის უმაღლესი რადას აშშ-სთან საპარლამენტთაშორისო ურთიერთობების საპარლამენტო ჯგუფის ხელმძღვანელი.
პირადი ცხოვრება:
მისი მეუღლე ვიქტორია არახამიაა. წყვილს ხუთი საერთო შვილი ჰყავს. 2019 წელს ტყუპები შეეძინათ. პოლიტიკოსს პირველი ქორწინებიდან ვაჟი ჰყავს. დავით არახამიას ყველა შვილის სახელი იწყება ასო „დ“-ით.
საინტერესო ფაქტები:
ფსევდონიმი დევიდ ბრაუნი პოლიტიკოსის მეუღლემ მოიგონა,
2015 წელს პოლიტიკოსმა უკრაინის მოქალაქეობა მიიღო,
2014 წელს მოხალისეობრივი მუშაობისთვის დაჯილდოვდა ღირსების III ხარისხის ორდენით.
იხილეთ ასევე:
#OK! სერიალი “ხალხის მსახური”, რომელშიც ზელენსკი მონაწილეობს, მსოფლიოს სხვადასხვა ქვეყნებში გაიყიდა
