იმისთვის, რომ ადამიანები მოხიბლო და თავი შეაყვარო აუცილებელი არაა, რომ სილამაზის ყველა სტანდარტს აკმაყოფილებდე. მით უმეტეს, რომ ზუსტად არავინ იცის რა არის ეს „სტანდარტი“ და როგორი გარეგნობა შეიძლება მიმზიდველად ჩაითვალოს.
თანამედროვე შოუბიზნესის სამყარო სავსეა ადამიანებით, რომელთა ქარიზმა და უჩვეულო გარეგნობა ყურადღებას იპყრობს. სავარაუდოდ, 30 – 40 წლის წინ მათ ლამაზად არავინ მიიჩნევდა, დღეს კი მილიონობით ადამიანის გულს იპყრობენ. ასე, რომ ლამაზი გარეგნობა მთავარი არაა და ჩვენს სიაში მყოფი მამაკაცები ამის ნათელიმაგალითია.
ადამ დრაივერი
ამ მსახიობს, რა თქმა უნდა, საკმაოდ სახასიათო გარეგნობა აქვს, მაგრამ აშკარად იგრძნობა გარკვეული მამაკაცური მაგნეტიზმი. განსაკუთრებით მას შემდეგ, რაც ადამი მოდური ბრენდის რეკლამაში წელს ზემოთ შიშველი გამოჩნდა.
ედრიან ბროუდი
ეს ის შემთხვევაა, როცა პატარა „ნაკლოვანებები“ დიდ ხიბლად იქცევა. არც ისე სწორი ცხვირი, თხელი ტუჩები, შორიშორ მდებარე თვალები.. მაგრამ თვალს ვერ წყვეტ! და როგორი მიმზიდველია წითელ ხალიჩაზე!
ვენსან კასელი
ფრანგი მსახიობი ვენსან კასელი „Ugly Hot“ რეიტინგის მარადიული მონაწილეა. რა თქმა უნდა, ალენ დელონის „მემკვიდრედ“ ვერ დავასახელებთ, მაგრამ არც არის საჭირო. ოდესღაც კასელმა სამსახიობო კარიერა სწორედ უჩვეულო გარეგნობისა და „ქუჩის ხულიგანის“ იერის წყალობით დაიწყო, შემდეგ კი მსოფლიოს ერთ-ერთი ულამაზესი ქალის – მონიკა ბელუჩის მოხიბვლა შეძლო.
შონ პენი
მავნე ჩვევებმა მსახიობის გარეგნობას რა თქმა უნდა, თავისი კვალი დაატყო, თუმცა, გულწრფელად თუ ვიტყვით, აპოლონივით ლამაზი არც ახალგაზრდობაში ყოფილა. უჩვეულო გარეგნობას შონ პენისთვის ხელი არ შეუშლია, რომ მადონასთან და შარლიზ თერონთან სასიყვარულო ურთიერთობა გაება. მამაკაცურ მომხიბვლელობას თუ სამსახიობო ნიჭსაც დავუმატებთ (ორი ოსკარი, ოროს გლობუსი და ა.შ) ადვილი მისახვედრია, როგორ ახერხებს შონ პენი ლამაზმანების მოხიბვლას.
სტივ ბუშემი
სტივ ბუშემს ღამე, სადმე ბნელ ქუჩაში რომ შეხვდეთ, შეიძლება მანიაკი გეგონოთ, სინამდვილეში კი ის ბუნებით ადამიანების დამხმარე და გადამრჩენელია. ახალგაზრდობაში ბუშემი ნიუ-იორკში მეხანძრე იყო. როდესაც 2001 წლის 11 სექტემბრის ტრაგედია მოხდა, სტივი უკვე ჰოლივუდის ვარსკვლავი იყო, მაგრამ თავის სახანძრო ნაწილს დაუბრუნდა და სხვებთან ერთად ადამიანებს ნანგრევებიდან გამოსვლაში ეხმარებოდა.
ჯესი აიზენბერგი
ქალები ასეთ მამაკაცებზე ამბობენ, რომ „ტვინი მისი ყველაზე სექსუალური ნაწილია“. მარკ ცუკერბერგის როლის შემდეგ ფილმში „სოციალური ქსელი“, ჯესის თაყვანისმცემელი ქალების რაოდენობა მნიშვნელოვნად გაიზარდა.
ტომ ჰიდლსტონი
ბრიტანელი მამაკაცები დილის შვრიის ფაფას ჰგვანან – დრო გჭირდება, რომ შეეჩვიო და შეგიყვარდეს. ტომის შემთხვევაშიც ასეა – შეეჩვიეთ, შეგიყვარდათ და უკვე „დამატებას“ ითხოვთ. სულ ერთია ეს „ოტელოს“ როლი იქნება თუ „მარველის“ ახალი ნაწილი.
პიტ დევიდსონი
სოციალურ ქსელში მსახიობს პატარა ბაყაყს ეძახიან, მაგრამ მას პასუხის გასაცემად არ სცალია – გამუდმებით პაემნებზეა და ჰოლივუდის ლამაზმანებს ხიბლავს.
