“პოპის დედოფლად” წოდებული ამერიკელი მომღერალი და მსახიობი შერი კარიერის განმავლობაში გამუდმებით იცვლიდა როგორც სასცენო იმიჯს, ასევე ჩაცმის სტილს, რამაც “მოდის აიქონის” წოდება არაერთხელ მოაპოვებინა, მას კარიერის განმავლობაში აქვს მიღებული ისეთი ჯილდოები და პრიზები, როგორებიცაა კინოაკადემიის უმაღლესი ჯილდო, გრემი, ემი, ოქროს გლობუსი, ჰოლივუდის დიდების ხეივანში გახსნილია მისი სახელობის ვარსკვლავი. შერი არაერთმა გავლენიანმა გამოცემამ დაასახელა საკულტო სტილის მქონე ვარსკვლავად.
თქვენი კარიერა და პროფესიული საქმიანობაყველასათვის ცნობილია, თითქმის ყველამ იცის ვინხართ და რა შეგიქმნიათ, თუმცა, ბოლო რამდენიმეწელია თქვენ სტატუსი არა როგორც მომღერალმა, არამედ როგორც “სტილის აიქონმა”, ისე მოიპოვეთ. გაქვთ რაიმე დასამახსოვრებელი ჩაცმულობა, რომელსაც განსაკუთრებულად გამოარჩევდით?
ალბათ, გამოავრჩევდი 1974 წლის “მეტ გალას”. ჩემი გამჭვირვალე კაბით გამოჩენა ბევრი ადამიანისთვის დაუჯერებელი იყოს. მახსოვს, ჯეინ ფონდამ მითხრა, არ მჯერა, რომ ეს შენ ხარო. რაღაც მხრივ, ეს აკადემიის გამო გავაკეთე, ისინი სერიოზულად არ მიღებდნენ ჩაცმულობის გამო, თითქოს არ მაინტერესებდა იქ ყოფნა.
თქვენ ახლაც შესანიშნავად გამოიყურებით, დადიხართ თუ არა სპორტდარბაზში?
მე ყოველთვის ვვარჯიშობდი. ბავშვობაში ყველა “ქალაბიჭას” მეძახდა, რადგან გოგონებთან ერთად ბარბებით თამაშის ნაცვლად სპორტული აქტივობებით ვიყავი ყოველთვის დაკავებული. როდესაც Sonny-ის შევხვდი, ვთამაშობდი ბეისბოლის გუნდში, მან მითხრა, რომ ასაკით უკვე ძალიან დიდი ვიყავი ამისთვის.
იმ ფილმებს თუ უყურებთ ხოლმე, რომლებშიც თავადგაქვთ მონაწილეობა მიღებული?
არა, არასდროს. არ მომწონს საკუთარი თავის ყურება, უფროსწორად, არ მაღელვებს.
იყო თუ არა თქვენი როლებიდან სამოსი, რომელიცსახლში რომ წამოგეღოთ, დღესაც სიამოვმებითჩაიცვამდით?
ნეტავ, ყველაფერი წამომეღო. მე მაქვს ფეხსაცმელები, რომლითაც გადმოვედი მანქანიდან ფილმ Moonstruck-ში (ვისაც ნანახი აქვს ეს ფილმი, მიხვდება, რომელ სცენაზეც მაქვს საუბარი), შევინახე ასევე კაბა და ქურთუკი. ჩემთვის ძალიან სიმბოლურია ტანსაცმელი, რომლითაც ერთ დროს რომელიმე ფილმში გამოვჩნდი. მაგალითად ფილმ Witches-ის გადაღებებზე სახლიდან პირიქით მე მიმქონდა ჩემი ტანსაცმელი.
ბოლოს რას უყურეთ, რაც ძალიან შთამაგონებელი იყოდა მოგეწონათ?
რამდენიმე დღის წინ მე და ჩემი ვაჟი ვუყურებდით ფილმს Licorice Pizza-ს, რომელიც ჩემი მეგობრის გარისცხოვრების შესახებ არის გადაღებული. ფილმში გამოყენებული იყო ჩემი და Sonny-ის სიმღერა ButYou’re Mine, არ ვიცი სცენარისტებმა და რეჟისორმა საიდან ამოქექეს ეს სიმღერა, თუმცა, სიუჟეტს იდეალურად მოუხდა ეს ყველაფერი. გაოგნებული ვიყავი, პირველ რიგში ჩვენი სიმღერის ამ ფილმში მოსმენით, შემდეგ კი იდეალური შეხამებით.
რამდენად ხშირად იყენებთ სოციალურ მედიას დაროგორ უმკლავდებით იმ ნეგატიურ გარემოს, რომელიც სოციალურ ქსელებშია?
ძალიან რთულია ამ თემაზე საუბარი. იყო დრო, როდესაც ვიღებდი შეტყობინებებს, სადაც მოკვლით მემუქრებოდნენ. მე არ მჭირდება ჩემს სოციალურ ქსელებში ისეთი ადამიანები, რომლებიც მხოლოდ ნეგატიურ ინფორმაციას ავრცელებენ. მე ვეხმაურები ისეთ ხალხს, რომელსაც ჩემი წარმატება აინტერესებს, ან რჩევა სჭირდებათ თუნდაც კარიერული თვალსაზრისით.
რომელი სიმბოლოთი, “სმაილით” ან “ემოჯით” აღწერთ თქვენს თავს?
ლურჯი კრისტალის.
რატომ მაინცდამაინც ლურჯი კრისტალის?
იმიტომ, რომ შინაგანად ძალიან ღრმა ადამიანი ვარ, თითქოს არავინ იცის რეალურად როგორი ვარ. როდესაც მასში ჩაიხედავ, რა თქმა უნდა, დამოკიდებულია ადამიანზე ვინც მასში იხედება, ამასხედავს.
ყველამ იცის, რომ თქვენ ხართ ჩართული აქტივობებში, რომლებიც ცხოველთა უფლებების დაცვასთან და მათ გადარჩენასთანაა დამოკიდებული. რომელია თქვენი საყვარელი ცხოველი?
სპილო. მე სპილოების გადასარჩენად მიბრძვია და ამიტომ. მათზე ბევრი რამ ვიცი, ისინი ჩვენ გვგვანან, უბრალოდ ოდნავ უკეთესები არიან.
რა რჩევას მისცემდი საკუთარ თავს 19 წლის რომ იყო?
იყავი გულწრფელი, პატიოსანი, იმიტომ რომ წინ ყველაფერი ცუდად დაგხვდება თუ ადამიანებს სამართლიანად არ მოექეცი. სხვებს ვურჩევდი იმას, რომ შეწყვიტონ იმ მოგზაურობებისთვის ფულის შეგროვება, რომელში ათი წლის შემდეგ უნდა წავიდნენ. ახლავე მიიღონ სიამოვნება, ამ წამსვე დატკბნენ ცხოვრებით.
რჩევა, რომელიც სხვამ მოგცათ და დღემდე იყენებთ.
დედაჩემმა ერთხელ მითხრა: “დაფიქრდი და ჰკითხე საკუთარ თავს, რაზეც ნერვიულობ ხუთი წლის შემდეგ მნიშვნელოვანი იქნება? თუ არა, მაშინ სულ ტყუილად ნერვიულობ”.
