ბრიუს უილისის ყოფილმა და „მოქმედმა“ ცოლებმა მსახიობის პატივსაცემად გალა-წვეულება გამართეს. 47 წლის ემა ჰემინგმა და 63 წლის დემი მურმა გადაწყვიტეს, ბრიუს უილისის სახელით ფული შეეგროვებინათ არაკომერციული ორგანიზაციისთვის, რომელიც ფრონტოტემპორალური დეგენერაციის (FTD) კვლევას მხარს უჭერს და FTD-სთან დაკავშირებული დარღვევებით დაავადებულ ადამიანებს ეხმარება.
წვეულებას, რომლის მასპინძლები ემა და დემი იყვნენ, უამრავი ვარსკვლავი დაესწრო. დამსწრეებს შორის იყვნენ ვუპი გოლდბერგი, კირა სეჯვიკი, კევინ ბეიკონი და სხვები.
„ეს იყო იდეალური საღამო ბრიუსისთვის, ოჯახის წევრებისა და მეგობრების გარემოცვაში, ცოცხალი მუსიკის მოსმენით“, – დაწერა ემამ თავის ინსტაგრამზე და ღონისძიებიდან ფოტოები გააზიარა.
„ეს არის ბრიუსის ცხოვრების აღნიშვნა იმის დახმარებით, რაც მას უყვარს: ოჯახი, მეგობრები და მუსიკა“ – დაეთანხმა დემი ემას.
შეგახსენებთ, რომ 2023 წელს ბრიუს უილისს ფრონტოტემპორალური დემენციის დიაგნოზი დაუსვეს. ამ დაავადებამ „კერკეტი კაკალი“ აიძულა, რომ სამსახიობო კარიერა დაესრულებინა, რადგან სცენარების დამახსოვრება აღარ შეეძლო. მსახიობის დაავადება პროგრესირებს – მას ახლა საყვარელი ადამიანების ამოცნობა უჭირს. მაგალითად, ხანგრძლივი განშორების შემდეგ, მას დემი მურის გახსენება გაუჭირდა. მსახიობის მდგომარეობის გაუარესების გამო, ემა ჰემინგმა ცოტა ხნის წინ გადაწყვიტა, რომ ის ოჯახისგან მოშორებით, ცალკე სახლში იცხოვრებს, სადაც სპეციალისტების მუდმივი დაკვირვების ქვეშ იქნება. ამ გადაწყვეტილების გამო, ემა ბევრმა გააკრიტიკა, მაგრამ მან საჯაროდ განაცხადა, რომ არ მიიღებს კრიტიკას ადამიანებისგან, რომლებიც მსგავს პრობლემას არ შეჯახებიან.
Посмотреть эту публикацию в Instagram
ასევე დაგაინტერესებთ
