მარგო რობი ავსტრალიელი მსახიობი და პროდიუსერია, რომელმაც კარიერის განმავლობაში უამრავი პრესტიჟული ჯილდო, მათ შორის ორი Academy Awards–ი, ოთხი Golden Globe Awards–ი და ხუთი BAFTA Awards–ი მოიპოვა. 2017 წელს Time Magazine–მა ის ერთ–ერთ ყველაზე გავლენიან ვარსკვლავად დაასახელა, Forbes–მა კი მას 2019 წლის ერთ–ერთი ყველაზე მაღალანაზღაურებადი მსახიობი უწოდა.
#OK! კი წარმოგიდგენთ ბევრისთვის უცნობ ფაქტებს ერთ–ერთი ყველაზე პოპულარული ქალი მსახიობის შესახებ, რომლებიც შესაძლოა ყველაზე ერთგულმა ფანებმაც კი არ იცოდნენ:
მარგო რობის კარიერა სერიალ Neighborhood–ში მონაწილეობით დაიწყო, სადაც ის დონა ვრიდმანის როლს ასრულებდა.
ფილმ Pan Am–ის გადაღების პერიოდში მარგო ნიუ–იორკში მსახიობ კრისტინა რიჩისთან ერთად ცხოვრობდა.
ფილმ The Wolf of Wall Street–ში ლეონარდო დიკაპრიოსთან ინტიმური სცენის გადაღებამდე მარგო ძალიან ღელავდა. ნერვიულობის ჩასახშობად კი მან ალკოჰოლს მიმართა.
ფილმ Suicide Squad–ის ერთ–ერთ სცენაში მარგოს პერსონაჟი წყალქვეშ საკმაოდ სახიფათო ილეთს ასრულებს. The Tonight Show–ში მარგომ გაამხილა, რომ სპეციალურად ამ ფილმისთვის მან წყალქვეშ სუნთქვის დიდი ხნით შეკავება ისწავლა.
მსახიობ სუკი უოთერჰაუსის წვეულებაზე მარგოს საკმაოდ სახალისო ინციდენტი შეემთხვა. მსახიობს წვეულებაზე პრინცი ჰარი შეხვდა, რომელიც მარგომ ვერ იცნო და ედ შირანში აერია.
ფილმ Suicide Squad–ის გადაღებების პერიოდში მარგოს ჰობი სვირინგების გაკეთება იყო, სწორედ ამიტომ მან Ebay–დან სვირინგების გასაკეთებელი აპარატი გამოიწერა და Suicide Squad–ის მსახიობებს სამახსოვრო სვირინგები თავად გაუკეთა.
