ტომ ჰენქსი ამერიკელი მსახიობი და პროდიუსერია. დღეს ის ერთ–ერთი ყველაზე ცნობადი მამაკაცი მსახიობია. ჰენქსის ფილმების შემოსავალმა 4,9 მილიარდ დოლარზე მეტი შეადგინა ჩრდილოეთ ამერიკაში და 9,96 მილიარდ დოლარზე მეტი მთელ მსოფლიოში. ამ ფაქტმა კი ის ჩრდილოეთ ამერიკის ერთ–ერთ ყველაზე მაღალ შემოსავლიან მსახიობად აქცია.
დღეს ჰოლივუდის ერთ–ერთი ყველაზე პოპულარული მსახიობი მამაკაცის დაბადების დღეა, ის 65 წლის გახდა. OK! კი გთავაზობთ ფაქტებს ტომ ჰენკსის შესახებ, რომლებიც ყველაზე ერთგულმა ფანმაც კი შესაძლოა არ იცოდეს.
თინეიჯერი ტომ ჰენქსი სტადიონებზე მიწის თხილს და პოპკორნს ყიდიდა. სწორედ ეს იყო მისი პირველი სამსახური.
ფილმ Apollo 13–ში მონაწილეობის შემდეგ NASA–მ ერთ–ერთ ასტეროიდს ტომ ჰენკსის სახელი, “12818 tomhanks” დაარქვა.
2002 წელს, მაშინ როდესაც ტომი 46 წლის იყო, ის გახდა ყველაზე ახალგაზრდა მსახიობი, რომელსაც American Film Institute–ის ყველაზე პრესტიჟული ჯილდო, Life Achievement Award–იგადაეცა.
ის ვინტაჟური საბეჭდი მანქანების კოლექციას აგროვებს.
ფილმ Saving Private Ryan–ში მონაწილეობისთვის აშშ–ს ფლოტმა ტომს უმაღლესი სამოქალაქო ჯილდო გადასცა.
