ბელა ჰადიდი პალესტინური წარმოშობის, ამერიკელი მულტიმილიონერის მუჰამედ ჰადიდისა და ჰოლანდიელი მოდელის იოლანდა ფოსტერის ქალიშვილია.
მისი Runway დებიუტი ნიუ-იორკის მოდის კვირეულის ფარგლებში Desigual-ის 2015 წლის გაზაფხული/ზაფხულის კოლექციის ჩვენებაზე შედგა.
2016 წელს ბელა Dior-ის ამბასადორი გახდა, რის შემდეგაც ბრენდის არაერთ რეკლამაში მიიღო მონაწილეობა. ამერიკელმა მოდელმა მალევე გააგრძელა თანამშრომლობა ისეთ ძვირადღირებულ ბრენდებთან და დიზაინერებთან, როგორებიც ტომი ჰილფიგერი, ჯერემი სკოტი და მარკ ჯეიკობსი არიან. 2017 წელს ბელა ჰადიდმა Forbes-ის ყველაზე მაღალანაზღაურებად მოდელებს შორის მეცხრე ადგილი დაიკავა, 2019 წელს კი კლასიკური ბერძნული გამოთვლებისა და “ოქროს კვეთის“ ფორმულის მიხედვით პლანეტის ულამაზეს ქალად დასახელდა.
ბელა ჰადიდი საზოგადოების ყურადღებას ხშირად არამხოლოდ მაღალი მოდის ფოტოსესიებითა და კამპანიებით, არამედ წითელი ხალიჩის გლამურული ლუქებითაც იქცევს.
პალესტინელი მოდელი გასულ ღამეს Chopard-ის წვეულებას დაესწრო, რისთვისაც მან შავ-თეთრი, ბუმბულებიანი მინი კაბა მოირგო, ინსპირაცია კი 1920-იანი წლების სტილიდან მიიღო.
