მას შემდეგ, რაც “ბალენსიაგა” კრეატიულ დირექტორად ქართველი დიზაინერი დემნა გვასალია დაინიშნა, ბრენდის პოპულარობა და შემოსავლები ყოველწლიურად უფრო და უფრო იზრდება.
წლის ყველაზე წარმატებული მოვლენების, “მეტ გალას” ექსცენტრიული ჩაცმულობების, სიმპსონების სპეციალური ეპიზოდისა და სადებიუტო ოტ კუტიურ კოლექციის ჩვენების შემდეგ ბალენსიაგამ Lyst Index-ის პლატფორმაზე “გუჩი” ჩაანაცვლა და წლის ყველაზე პოპულარული ბრენდი გახდა.
ბრენდის შემოსავალი წარმატებული კოლაბორაციებისა და პროექტების შემდეგ უკვე 2.3 მილიარდ დოლარს გაუტოლდა.
აღნიშნული პროექტების გარდა ქართველი დიზაინერი ჩართული იყო ამერიკელი რეპერის ქანიე უესტის ალბომის პრეზენტაციის კრეატიულ საქმიანობაში.
“ხალხს ჰგონია, რომ მე ვარ დიზაინერი, რომელიც მხოლოდ ჰუდებსა და სპორტულ ფეხსაცმელებს ქმნის. რეალურად მე ასეთი არ ვარ, მიუხედავად იმისა, რომ აღნიშნული სამოსის წარმოება ძალიან მიყვარს… იღბლიანი ვარ, რომ ბალენსიაგაში ვმოღვაწეობ. ჩემთვის დიდი გამოწვევა იყო მეპოვნა კავშირი და ბალანსი ბრენდის ისტორიასა და ჩემს ამჟამინდელ იდეებს შორის. მინდოდა ოტ კურიურის კოლექციით, კრისტობალ ბალენსიაგას მემკვიდრეობისა და ჩემი თანამედროვე ხედვის შერწყმით მეჩვენებინა რეალურად როგორი დიზაინერი ვარ.”
სოციალურ ქსელში რამდენიმე საათის წინ “გუჩის” კრეატიული დირექტორის ალესანდრო მიკელეს და დემნა გვასალიას მიმოწერა გავრცელდა, როდესაც კონკურენტი დიზაინერები Lyst Index-ის შედეგებს ელოდებოდნენ.
დემნამ და ალესანდრომ ერთმანეთს მადლობა გადაუხადეს და წარმეტებები უსურვეს.
