26 მაისს საქართველოს დამოუკიდებლობის დღეს სტეფანე მართავს კონცერტს ნიუ იორკში ვებსტერ ჰოლში. ის პირველი ქართველი მომღერალია რომელიც ამ ლეგენდერულ სივრცეში მართავს კონცერტს ქართული აუდიტორიისთვის.
ცოცხალი წარმოდგენა ნიუ იორკის ლეგენდარულ სივრცეში, ვებსტერ ჰოლში გაიმართება, რომელიც ისეთი მომღერლების მუსიკალური წარმოდგენების მასპინძელი ყოფილა, როგორიცაა: მადონა, ტინა ტერნერი, პრინცი, U2, აეროსმიტი, სტინგი, ბბ კინგი, მიკ ჯაგერი, ჯეიზი და სხვა..
სტეფანე მისი უნიკალური მუსიკალური სტილით გამოირჩევა. ნიუ იორკში გამართული წარმოდგენა ქართული დიასპორისთვის ის იშვიათი შესაძლებლობაა, როდესაც საშუალება ეძლევათ, ქართველი მომღერალის ცოცხალი შესრულება მოისმინონ..
„აღფრთოვანებულები ვართ, რომ გვაქვს შესაძლებლობა, ვუმასპინძლოთ სტეფანეს კონცერტს ნიუ იორკში. ეს არის პლატფორმა, სადაც ქართული დიასპორა შეხვდება ერთმანეთს და მონატრებულ ქართული კულტურას. სტეფანეს მუსიკა არის თანამედროვე ჯაზის, ბლუზის და პოპის ელემენტების გამორჩეულად გემოვნებიანი ნაზავი. სწორედ ამ რეპერტუარს, ბენდის წევრებთან ერთად შეასრულებს დამსწრე აუდიტორიის წინაშე, პროგრამაში იქნება მისი ყველა ჰიტი და რამდენიმე სიმღერა ახალი ალბომიდან. Მოხარულები ვართ, რომ ამ შთაბეჭდილების გაზაირებას შევძლებთ ნიუ იორკის აუდიტორიისთვის“.
აცხადებს კონცერტის ორგანიზატორი, Emolas Corporation-ის დამფუძნებელი, სალომე ლილუაშვილი. სტეფანე მღებრიშვილი კონცერტის შესახებ სოციალურ ქსელში წერს:
„და დადგა ჩემთვის ნანატრი მომენტი, რომ დავაანონსო ეს კონცერტი, რომელზეც დიდი ხანია ჩემი მეგობარი და ამ კონცერტის ორგანიზატორი, სალომე ლილუაშვილი @emolaso ვმუშაობთ.
ბევრი მუსიკოსის ოცნებაა ამ დარბაზში კონცერტის გამართვა, რადგან მანჰეტენის უძველესი საკონცერტო დარბაზია, აღჭურვილი უახლესი ტექნიკით, სადაც თითქმის ყველა მეგავარსკვლავს აქვვს გამართული კონცერტები (დეტალები რელიზში)
ძვირფასო ქართველებო ამერიკაში, სულ რომ მწერდით, ერთიც აქეთ ჩამოდიო.., ჩამოვდივარ და გვექნება
ლაივი უმაგრეს ქართველ და ამერიკელ მუსიკოსებთან ერთად.
იმედია, დაუვიწყარ საღამოს გავატარებთ საქართველოს დამოუკიდებლობის დღეს!
ბილეთების რაოდენობა მართლა შეზღუდულია “
ღონისძიება კომპანია “ გლობალაიზის” მხარდაჭერით იმართება, რომელიც თავის მხრივ, ქართულ სტარტაპებსა და ექსპორტიორებს საერთაშორისო ბაზრებზე გაფართოებაში ეხმარება. Სტეფანეს კონცერტის დაწყებამდე, დღის განმავლობაში, ვებსტერ ჰოლში გაიმართება გლობალაიზის კონფერენცია და საექსპორტო პროდუქციის გამოფენა.
კონცერტზე დასასწრები ბილეთების შეძენა შესაძლებელია 1 აპილიდან, ვებგვერდზე:
