ნუცა ბუზალაძე საქართველოს ევროვიზიაზე სიმღერით Firefighter წარადგენს. ნუცამ სიმღერის შესახებ საზოგადოებრივი მაუწყებლის ეთერში ისაუბრა და თქვა, რომ ეს სიმღერა არის ძალიან ძლიერი და ხაზს უსვამს მის ბრძოლისუნარიანობას:
„კლიპში და ზოგადად ამ სიმღერაში მე ვებრძვი ცეცხლს და მინდა, რომ ჩავაქრო ეს ცეცხლი და ამ ცეცხლში არის ნაგულიხმევი ის, ყველაფერი უარყოფითი რაც მსოფლიოში ხდება – ომები, შური, ზიზღი, უსიყვარულობა… სიმღერაშიც სულ იმას ვამბობ, რომ მე გადავარჩენ ამ სიყვარულს, იმიტომ რომ მე პირადად ძალიან დიდ სიყვარულს ვგრძნობ თითოეული ადამიანის მიმართ და მინდა რომ ყველამ იგრძნოს ეს.“
ევროვიზია 2024 შვედეთის ქალაქ მალმეში 7, 9 და 11 მაისს გაიმართება და მასში მონაწილეობას 37 ქვეყანა მიიღებს, ხოლო საქართველოს სახელით ნუცა ბუზალაძე ნახევარფინალში 9 მაისს იმღერებს.
საქართველო კონკურსის მოგებას მეთექვსმეტედ შეეცდება. აქამდე საუკეთესო შედეგი მე-9 ადგილია, რომელიც 2010 წელს სოფო ნიჟარაძემ, ხოლო 2011-ში ჯგუფმა Eldrine დაიკავა.
იხილეთ ნუცა ბუზალაძის კლიპი სრულად:
