მაშინ, როდესაც რუსეთი უკრაინის ტერიტორიაზე უკანონოდ შეიჭრა და მშვიდობიან მოსახლეობას ომი გამოუცხადა, „მოდის ინდუსტრიამ რელევანტურობა დაკარგა“. როდესაც ევროპელი საზოგადოება მაღალი მოდის ბრენდების უახლეს კოლექციებს ნახულობდა, უკრაინის მოსახლეობა ქვეყნის ტერიტორიული მთლიანობისთვის იბრძოდა. ერთ–ერთიპირველი დიზაინერი, რომელმაც საკუთარი ჩვენება უკრაინაში მიმდინარე მოვლენებს დაუთმო და რუსეთის აგრესიაზე ღიად ისაუბრა, ეს არის საერთაშორისოდ აღიარებული ქართველი დიზაინერი და Balenciaga-ს მოდის სახლის კრეატიული დირექტორი დემნა გვასალია.
სწორედ ამიტომ, ძალიან სიმბოლურია ის ფაქტი, რომ ვოლოდიმირ ზელენსკიმ United24-ისელჩად სწორედ დემნა გვასალია დაასახელა, ეს არის ფონდი, რომელიც უკრაინის პირველი პირის ინიციატივით შეიქმნა და რომლის მიზანიც რუსეთის მიერ აგრესიული ქმედებების ქვეშმყოფი ქვეყნებისთვის თანხების შეგროვებაა.
“ბალენსიაგა” შექმნის სპეციალურ მაისურს, რომლის გაყიდვების 100% სწორედ ამ ფონდაი გადაირიცხება.
გავიხსენოთ მომენტი, როდესაც ბალენსიაგას“ 2022 წლის შემოდგომა/ზამთრის READY-TO-WEAR კოლექციის ჩვენებაზე მისულ მაყურებელს ადგილებზე უკრაინის დროშის ფერებში გაწყობილი მაისურები და თავად დემნა გვასალიას მიერ დაწერილი ემოციური წერილი დახვდათ.
„უკრაინაში მიმდინარე ომმა ჩემში წარსულის ტრავმა გააღვიძა, რომელსაც 1993 წლიდან ვატარებ, როდესაც ზუსტად იგივე რამ მოხდა ჩემს ქვეყანაში და რამაც მე სამუდამო ლტოლვილად მაქცია… ეს ტკივილი ჩემში სამუდამოდ დარჩება. ეს არის შიში, სასოწარკვეთა, იმის გაცნობიერება, რომ შენ არავინ აინტერესებ. დროთა განმავლობაში მე გავაანალიზე, რომ ცხოვრებაში ყველაზე მნიშვნელოვანი თავად ცხოვრება, ადამიანური სიყვარული და თანაგრძნობაა“.
„სწორედ ამიტომ, ამ შოუზე მუშაობა წარმოუდგენლად რთული იყო ჩემთვის. რადგან ასეთ დროს, მოდა კარგავ აქტუალობას და არსებობის უფლებას. მოდის კვირეულები ამ მომენტში აბსურდს ჰგავს. რაღაც მომენტში ვიფიქრე, გამეუქმებინა შოუ, რომელზეც მე და ჩემმა გუნდმა ძალიან დიდხანს ვიმუშავეთ, მაგრამ შემდეგ გავაანალიზე, რომ შოუს გაუქმება ნიშნავს დათმობას, დანებებას, იმ ბოროტების წინაშე, რომელმაც უკვე მომაყენა ჭრილობა და რომელსაც 30 წელია ვატარებ. გადავწყვიტე, რომ აღარ ვაპირებ დანებებას“.
„ამ შოუს ახსნა არ სჭირდება, ეს არის უშიშროების, წინააღმდეგობის, სიყვარულისა და მშვიდობისთვის თავდადების გამოხატულება“.
როგორც უკვე აღვნიშნეთ, უკრაინაში მიმდინარე შემზარავი მოვლენები ორმაგად უფრო ემოციური იყო დემნა გვასალიასთვის, ადამიანისთვის, რომელმაც 10 წლის ასაკში აფხაზეთი დატოვა და 1993 წლიდან სამუდამო ლტოლვილი გახდა.
