როგორც იცით. მსოფლიოს წლის ყველაზე აქტუალური ბრენდი Balenciaga საერთაშორისო სკანდალში გაეხვა, ახალი კამპანია, რომელიც მოდის სახლისთვის ფოტოგრაფმა Gabriele Galimberti-მ გადაიღო არასრულწლოვნებისთვის შეუფერებელ კონტენტს შეიცვას, კერძოდ ფოტოებში მცირეწლოვან ბავშვს სათამაშო დათვი უჭირავს, რომელსაც ეგრეთწოდებული “სექს სათამაშოები” იგივე BDSM (Bondage gear) აცვია. “ბალენსიაგამ” მომხდარის გამო ბოდიში საჯაროდ მოიხადა და კამპანიის ყველა ფოტო წაშალა, თუმცა აღნიშნული სკანდალი ამით არ დამთავრდა.
სოციალურ მედიაში “ბალენსიაგას” ბოლოდროინდელი ყველაზე პოპულარული სახე კიმ კარდაშიანი მიმდინარე მოვლენებს გამოეხმაურა. რეაუთი შოუს ვარსკვლავმა აღნიშნა, რომ ეს არის შეცდომა, რომელიც მსგავს მოდის სახლს არავითარ შემთხვევაში არ უნდა დაეშვა.
”რამდენიმე დღის განმავლობაში ჩუმად ვიყავი, არა იმიტომ რომ ჩემზე ამ კამპანიამ ზეგავლენა არ მოახდინა, არამედ იმიტომ, რომ მინდოდა ბრენდის შემოქმედებით გუნდთან საუბარი, რათა გამეგო რეალურად რა მოხდა. როგორც ოთხი შვილის დედა, ძალიან არ მომეწონა ამ ფოტოების დანახვა. ბავშების უსაფრთხოება ყოველთვის უპირველესია. ვაფასებ იმას, რომ “ბალენსიაგამ” კამპანიის ფოტოები წაშალა და ბოდიშიც მოიხადა. მათთან საუბრის შემდეგ, ვიმედოვნებ, რომ მიხვდნენ რამდენად სერიოზულადაა საქმე”.
