2010 წლის 12 თებერვალს კანადის ქალაქ ვანკუვერში გამართულ ზამთრის ოლიმპიადაზე დატრიალებულმა ტრაგედიამ ქართველი სპორტსმენის ნოდარ ქუმარიტაშვილის სიცოცხლე იმსხვერპლა. მომხდარი ტრაგედიიდან 16 წელი გავიდა.
,,ან გავიმარჯვებ, ან მოვკვდები” – ეს იყო ნოდარ ქუმარიტაშვილის ბოლო სიტყვები მამასთან სატელეფონო საუბრისას.
ზამთრის 21-ე ოლიმპიური თამაშების ოფიციალური გახსნის ცერემონიამდე რამდენიმე საათით ადრე, უისტლერის საციგაო ტრასაზე საცდელი დაშვებისას 21 წლის ქართველი მოციგავე 143.3 კმ/სთ სიჩქარით მოძრავი ციგით ტრასის ბორტს შეეჯახა. ნოდარი ციგიდან ამოვარდა და ტრასიდან მოშორებით, რკინის ჯებირებს შეეჯახა. სასწრაფო დახმარების ვერტმფრენით სპორტსმენი მაშინვე საავადმყოფოში გადაიყვანეს, თუმცა მისი გადარჩენა ვერ მოხერხდა. ახალგაზრდა სპორტსმენი საავადმყოფოში მიყვანის შემდეგ გარდაიცვალა. გამოძიების შედეგად, ტრაგედიის მიზეზად ტრასის გაუმართაობა დასახელდა.
