ანა ვაჩეიშვილს და მარეხი მარსაგიშვილს Bubble Shop-ის შექმნის იდეა სპონტანურად მოუვიდათ. როგორც ანა აღნიშნავს, მათი მიზანი იყო მომხმარებლისთვის შეეთავაზებინათ ბუნებრივ ინგრედიენტებზე დამზადებული, განსხვავებული და ორიგინალური პროდუქტი – აბაზანის ბომბი. ეს არის ბუნებრივი მარილებითა და ეთერზეთებით დამზადებული პროდუქტი, რომელიც გამოიყენება აბაზანაში. მისი დახმარებით აბაზანის მიღების პროცესი სასიამოვნო და სახალისოა.
როგორია Bubble Shop-ის შექმნის ისტორია ?
ჩემი მეგობარი მარეხი იტალიაში ცხოვრობს. ერთხელაც საქართველოში ჩამოსვლისას, კაფეში ყავის სმის დროს, მარეხის მეუღლემ შენიშნა ლამაზი ჯიხური, რომელზეც ეხატა ტკბილეული და წარმოიდგინა, რომ ამ ჯიხურს ფერადი აბაზანის ბომბები ძალიან მოუხდებოდა. რადგან თვითონაც აქტიური მომხმარებლები ვართ აბაზანის ბომბების, ეს იდეა ძალიან მოგვეწონა და გადავწყვიტეთ ონლაინ მაღაზია გაგვეკეთებინა. ჩვენმა მცდელობამ შეგვეთავაზებინა მომხმარებლისთვის განსხვავებული და ორიგინალური პროდუქტი, მგონი გაამართლა, რადგან გვაქვს სხვადასხვა ზომის, ფერის და ვიზუალის პროდუქცია, რაც ძალიან მოსწონს ჩვენს მომხმარებლებს.
რა პროდუქციაა წარმოდგენილი ,,Bubble Shop’’-ში?
Bubble Shop-ი მომხმარებლებს სთავაზობს აბაზანის ბომბების ძალიან დიდ არჩევანს, ასევე გვაქვს შიის ტანის კარაქი, აბაზანის ზღვის მარილი, ნატულარული საპნები და სახის ნიღბები სხვადასხვა ტიპის კანისთვის. პროდუქცია დამზადებულია სხვადასხვა ქვეყანაში, კერძოდ ჩინეთში, კორეაში, ლატვიასა და დიდ ბრიტანეთში.
რისგან მზადდება თქვენი პროდუქცია?
აბაზანის ბომბები დამზადებულია ბუნებრივი ინგრედიენტებისგან: ლიმონის მჟავა, ნატრიუმის ბიკარბონატი (სოდა), ზღვის მარილი, ეთერზეთები, დამატენიანებელი ზეთები. არ შეიცავს კონსერვატებს და ქიმიურ სუნამოებს და ასევე უსაფრთხოა ბავშვებისთვისაც. ვცდილობთ ხარისხიანი პროდუქტი მივაწოდოთ მომხმარებელს მისაღებ ფასად.
ტანის კარაქი დამზადებულია შიის კაკლის ბირთვისგან, რომელიც ცნობილია თავისი სამკურნალო თვისებებით. შეიცავს ჯანსაღ ცხიმებს, რომელიც ხელს უწყობს კანის რეგენერაციას და უჯრედების განახლებას, კარაქი გამდიდრებულია A, E , K, B ვიტამინებით და ანტიოქსიდანტით, რაც ინარჩუნებს კოლაგენს ხელს უშლის სტრიების და ცელულიტის წარმოქმნას.
რა სასარგებლო თვისებები აქვს აბაზანის ბომბებს?
აბაზანის ბომბების ყველაზე მნიშვნელოვანი თვისება სტრესის მოხსნა და არომათერაპიაა. ასევე, ბუნებრივი სოდის წყალობით, რომელიც ბომბის ძირითადი ინგრედიენტია დაგეხმარებათ კანის ქავილის, გაღიზიანებისა და ანთების შემსუბუქებაში.
რისგან შედგება ზამთრისთვის განკუთვნილი სასაჩუქრე ნაკრები ?
ზამთრის სასაჩუქრე ნაკრებში წარმოდგენილია რამოდენიმე სახეობის აბაზანის ბომბები, სახის ნიღბები, ტანის კარაქი და ნატურალური საპნები, თუმცა ნებისმიერი ნაკრების დამზადება შეგვიძლია მომხმარებლის სურვილის მიხედვით.
მოგვიყევით სამომავლო გეგმებზე..
რა თქმა უნდა ვგეგმავთ მაღაზიის გახსნას. დასაწყისისთვის პატარა მაღაზია რუსთავში, თოდრიის 7 ნომერში გაიხსნება. ასევე, გვინდა ბევრი სხვა სასარგებლო და კარგი პროდუქტის დამატება.
საკონტაქტო ინფორმაცია:
https://www.facebook.com/bubbleshop.ge/
ტექსტი: სოფიო მალანია
