10 წლიანი ურთიერთობისა და 2 წლიანი თანაცხოვრების შემდეგ ვარსკვლავური წყვილი 2016 წელს დაშორდა.
ჰოლივუდის მსახიობი, ანჯელინა ჯოლი, თავის ყოფილ მეუღლეს, ბრედ პიტს მასზე და მის შვილებზე ფსიქოლოგიურ და ფიზიკურ ძალადობაში ადანაშაულებს.
ოსკაროსან წყვილს შორის სამართლებრივი დავა 2016 წელს დაიწყო,როდესაც ანჯელინა ჯოლიმ განქორწინებაზე სარჩელი შეიტანა, აღნიშნული პროცესი 2018 წელს დასრულდა, თუმცა დავა წყვილს შორის სხვა საკითხებზე გაგრძელდა.
ამ წლის, 4 ოქტომბერს ანჯელინა ჯოლიმ, ბრედ პიტის წინააღმდეგ კიდევ ერთი სარჩელი შეიტანა, რომელიც აღწერს, 2016 წელს, კერძო თვითმფრინავში მომხდარ ძალადობის ფაქტებს მასსა და მის შვილებზე.
როგორც ანჯელინა ჯოლის სარჩელში ვკითხულობთ:
„ბრედ პიტი არაფხიზელ მდგომარეობაში იმყოფებოდა და კონფლიქტი ჯერ კიდევ აეროპორტში დაიწყო, როცა ანჯელინა ჯოლი ბავშვების მიმართ „ზედმეტად პატივისცემაში“ დაადანაშაულა. თვითმფრინავში პიტმა ჯოლის თავში ხელი მოჰკიდა, შეაჯანჯღარა, შემდეგ კი აბაზანის კედელს მიანარცხა. როდესაც ბავშვები დედის დასაცავად ჩაერივნენ, პიტმა შვილებს შეუტია, ერთ შვილს ახრჩობდა, მეორეს სახეში გაარტყა.“
სარჩელში ასევე აღნიშნულია, რომ ინციდენტის შემდეგ, პიტი პერიოდულად გამოდიოდა ბავშვებთან და მათ სიტყვიერ შეურაცხყოფას აყენებდა. ჯოლის განმარტებით სწორედ ამ ინციდენტის შემდეგ მიიღო განქორწინების გადაწყვეტილება.
ბრედ პიტი აღნიშნულ ფაქტს უარყოფს, მსახიობთან დაახლოებულმა წყარომ BBC-სთან ინტერვიუში, ანჯელინას განცხადებებს მცდარი უწოდა.
აღსანიშნავია ის ფაქტიც, რომ შვილებს მამის გვარის შენარჩუნება არ სურთ, მაგრამ ანჯელინა ამ საკითს არ ემხრობა.
ასევე იხილეთ:
#OK! ბრედ პიტი ანჯელინა ჯოლის უჩივის – მსახიობმა ღვინის საწარმოს წილი რუს ოლიგარქს მიჰყიდა
#OK! ანჯელინა ჯოლისა და ბრედ პიტის ქალიშვილმა მამის გვარზე უარი თქვა
#OK! რა რეაქცია ჰქონდა ბრედ პიტს ანჯელინას მხრიდან ოჯახური ძალადობის ბრალდებაზე?
