UFC – ის ქართველი ჩემპიონი მერაბ დვალიშვილი ცნობილ ინფლუენსერ ნინა დრამასთან ერთად 11 ივნისს თბილისის საერთაშორისო აეროპორტში ჩამოფრინდა. ის რიყის პარკში ქართველ გულშემატკივარს შეხვდა და დიდი მადლობა გადაუხადა თბილი დახვედრისთვის. მათ საქართველოში ერთი კვირა გაატარეს და რამდენიმე კუთხე მოინახულეს.
ჩემპიონმა ჩამოსვლის შესახებ ინფორმაცია შონ ო’მალის დამარცხების შემდეგ გამართულ პრესკონფერენციაზე განაცხადა.
View this post on Instagram
ნინა პირველად ესტუმრა საქართველოს და მეორე დღესვე გამოხატა აღფრთოვანება ქვეყნის მიმართ.
,,დიდი მადლობა უმშვენიერეს ქართველ ხალხს მხარდაჭერისა და გულთბილი მიღებისთვის. არასდროს მიგრძვნია ასეთი სიყვარული. ბედნიერებისგან ვტირი”. – წერს ნინა.
პირველ დღეებში თბილისის ქუჩები, ტრადიციული უბნები მოინახულეს და ქართული კერძები დააგემოვნეს.
ცხენზე ამხედრებული ნინა და მერაბი კიკეთიდან ულამაზეს კადრებს აქვეყნებდნენ. დრამა აღნიშნავს, რომ ყველაზე მეტად, ცხენზე ჯირითი, ხინკალი და ქართველების დახვედრა დაამახსოვრდება.
ჩამოსვლიდან მეოთხე დღეს გურია მოინახულეს, სადაც ტრადიციული გურული ღვეზელი გამოაცხვეს და დოლიძის მარანში ღვინო დააგემოვნეს.
ამის შემდეგ მერაბი ნინასთან ერთად სამეგრელოს ესტუმრა, მარტვილის კანიონი დაათვალიერა და ელარჯის გაკეთებაში მიიღო მონაწილეობა.
ნინა დრამამ ვიდეო გამოაქვეყნა , სადაც ქართულ ცეკვებს სწავლობს და ფანდურზე დაკვრას ცდილობს. ის აღნიშნავს, რომ შეყვარებულია კულტურაზე და ეს მოგზაურობა მისთვის საჩუქარია.
“დიდი მადლობა მერაბს ამ თავგადასავლისთვის. შესანიშნავი დრო გავატარე. ძალიან მომენატრება ტრადიციული საჭმელი, კულტურა და ყველაზე მნიშვნელოვანი – ადამიანები. არასდროს დამავიწყდება ეს ყველაფერი” – წერს ინფლუენსერი.
შეგახსენებთ, რომ 8 ივნისს, მერაბმა UFC 316-ზე შონ ო’მალი დაამარცხა და ჩემპიონის ქამარი შეინარჩუნა. მერაბმა პირველად ჩემპიონობა სწორედ შონთან გამარჯვების შედეგად მოიპოვა შემდეგ კი ჩემპიონის ტიტული უმარ ნურმაგომედოვის დამარცხებით შეინარჩუნა.
