ბრიტანეთის დედოფალი კამილა გუშინ, ლონდონის რეზიდენციაში – კლარენს-ჰაუსში, ანა ვინტურს შეხვდა.
მისი უდიდებულესობისთვის ლონდონის მოდის კვირეულის პირველ დღეს ანა ვინტურთან ერთად გამოჩენა საკმაოდ იშვიათი და გამორჩეული ნაბიჯი იყო.
შეხვედრისთვის კამილამ ელეგანტური შავი კაბა და მაღალი ნატის ჩექმები შეარჩია. დედოფალს მკერდზე ბრილიანტებით მოჭედილი გულის ფორმის გულსაბნევი, ყელზე კი თხელი ოქროს ძეწკვი ეკეთა. დედოფალი კამერის წინ საფირმო ვარცხნილობითა და საფირონის საყურეებით პოზირებდა.
რაც შეეხება მოდის ლეგენდად აღიარებულ ანა ვინტურს, მას შინდისფერი კაბა და გრძელი პალტო ეცვა, რომელიც ყავისფერ ტყავის ჩექმებსა და ფერადი თვლებით გაწყობილ ყელსაბამს შეუხამა.
შეხვედრის მთავარი თემა ბრიტანული მოდის განხილვა და დედოფლის „სამკითხველო დარბაზის“ (The Queen’s Reading Room) საქმიანობა იყო – ეს არის საქველმოქმედო ორგანიზაცია, რომელიც კითხვის პოპულარიზაციას ემსახურება.
შეგახსენებთ, რომ ამავე დღეს ლონდონის მოდის კვირეულს მეფე ჩარლზიც ეწვია.
ეს მოვლენები მეფის უმცროსი ძმის, ენდრიუ მაუნტბეტენ–უინძორის დაკავების ფონზე განვითარდა. ის 10 თებერვლის საღამოს გაათავისუფლეს. ფოტორეპორტიორებმა ყოფილი პრინცი იმ დროს შენიშნეს, როდესაც მანქანით პოლიციის განყოფილებას ტოვებდა.
ასევე დაგაინტერესებთ
