ფეტუჩინი ალფრედო კრევეტებით
ინგრედიენტები:
გამოვიყენეთ Riscossa-ს ფეტუჩინი, Granarolo-ს პარმეზანი რეჯიანო და მასკარპონე – ეს ის მთავარი ინგრედიენტებია, რომელიც კერძს ნამდვილ იტალიურ გემოს სძენს
ინგრედიენტები:
- რძე – 0.5 ლ;
- ნაღების ყველი მასკარპონე (გრანაროლო) – 120 გრ;
- მარილი – 5 გრ;
- კარაქი (გრანაროლო) – 50გრ;
- ნიორი – 50 გრ;
- სულგუნი – 200 გრ;
- პარმეზანი (გრანაროლო) – 50 გრ;
- კრევეტები – 300 გრ;
- ფეტუჩინი – 500 გრ;
- სატაცური – 200 გრ;
- პომიდვრის ჩირი – 100 გრ.
მომზადება:
აადუღეთ წყალი და დაასხით დაჭრილ სატაცურს, გააჩერეთ 7-8 წუთი მდუღარეში და გადაწურეთ. სასურველი ზომის ნაჭრებად დაჭერით პომიდვრის ჩირი. ერთმანეთს შეურიეთ რძე, ნაღების ყველი და მარილი.
ტაფაზე გაადნეთ კარაქი, დაუმატეთ ნიორი, გააჩერეთ 1-2 წუთის განმავლობაში, შემდეგ დაუმატეთ გასუფთავებული კრევეტები და მოშუშეთ 5 წუთი, სანამ არ შევარდისფრდება.
ამოიღეთ კრევეტები ქვაბიდან, ნიორი დატოვეთ კარაქში, ამჯერად დაუმატეთ სატაცური და მოწალეთ 5 წუთი.
დაუმატეთ ქვაბში რძისა და ყველ-კრემის მასა, მიიყვანეთ ადუღებამდე, სანამ მასა არ გასქელდება, 6-8 წუთი ეყოფა.
გადმოდგით ქვაბი ცეცხლიდან და დაუმატეთ გახეხილი სულგუნი და პარმეზანი. დააფარეთ თავსახური და გააჩერეთ 5 წუთი. შემდეგ კრევეტები და პომიდვრის ჩირი ჩაყარეთ სოუსში და სოუსიც მზადაა.
სოუსი რომ მზადების პროცესში იქნება, პარალელურად მოხარშეთ ფეტუჩინი, ისე, როგორც შეფუთვაზეა მითითებული (ყველა პასტას, თავისი მოხარშვის წესი აქვს ეტიკეტზე).
ფეტუჩინის მოასხით სოუსი, სასურველი ფორმით დაასერვირეთ და გემრიელად მიირთვით.
