HOTELS & PREFERENCE HUALING TBILISI 5-ვარსკვლავიანი სასტუმროა, რომელიც ეკუთვნის ფრანგულ საერთაშორისო სასტუმროთა ქსელს – THE FRENCH INTERNATIONAL HOTEL CHAIN და პირველად საქართველოში „ჰუალინგ ინტერნეშენალმა“ დანერგა. ეს არის სასტუმრო, რომელსაც აქვს უნიკალური ჩინური რესტორანი „ენსემბლი“, სადაც შეგიძლიათ დააგემოვნოთ ავთენტური ჩინური კერძები ჩინეთის სხვადასხვა რეგიონიდან. მეორე სართულზე მდებარე Ensemble 5 კერძო ნომრით გთავაზობთ სინძიანის დელიკატესებს კანტონურ და სიჩუანის სამზარეულოს ექსკლუზიურ გარემოში. უფრო ვრცლად რესტორნის შესახებ შეფი Jianhua Yin გვესაუბრა.
რა ხდის რესტორან Ensemble-ს განსაკუთრებულს?
უპირველესად, Ensemble-ში გვჯერა, რომ ჩინური სამზარეულო უფრო მეტია, ვიდრე საკვები… ეს არის ხელოვნება, რომელიც თაობიდან თაობას გადაეცემა. რაც შეეხება განსაკუთრებულობას, ეს არის ჩვენი ერთგულება ავთენტურობისადმი თანამედროვე ელფერთან ერთად. ჩვენ არა მხოლოდ რეცეპტებს მივყვებით, არამედ მათ ახლებურ ინტერპრეტაციასაც გთავაზობთ – ვიყენებთ ადგილობრივი წარმოშობის ქართულ ინგრედიენტებს ტრადიციული ჩინური არომატების შესავსებად. ეს კი ქმნის უნიკალურ შერწყმას, რომელსაც სხვაგან ვერსად ნახავთ. გარდა ამისა, ჩვენ ყურადღებას ვამახვილებთ თითოეული კერძის წარდგენაზე, რაც მას უფრო ესთეტიკურს ხდის.
რამდენი ჩინელი შეფი მუშაობს Ensemble‑ში?
ვამაყობთ, რომ ჩვენს სამზარეულოს ჩინეთიდან 8 წარმოუდგენლად ნიჭიერი შეფმზარეული ჰყავს. თითოეული მათგანი სხვადასხვა რეგიონულ სამზარეულოში სპეციალიზდება, რაც ჩვენს სამზარეულოს კიდევ უფრო განსაკუთრებულ ელფერს სძენს. მათი ცოდნა, გამოცდილება და ჩინური კულინარიული ტრადიციებისადმი გატაცება კარგად ჩანს მათ მიერ მომზადებულ კერძებში.
შეგიძლიათ გვიამბოთ ჩინეთის სამზარეულოს შესახებ და რომელ კერძებს ამზადებთ აქ?
ჩინეთის კულინარიული ლანდშაფტი წარმოუდგენლად მრავალფეროვანია, თითოეული რეგიონი გამოირჩევა თავისი უნიკალური არომატებითა და კულინარიული სტილით. Ensemble-ში ჩვენი მიზანიც სწორედ ესაა, – ამ მრავალფეროვნების წარმოჩენა. ჩვენ გთავაზობთ კერძებს, შთაგონებულს სინძიანის სამზარეულოთი, რომელიც ცნობილია თავისი თამამი და ცხარე არომატებით, როგორიცაა ჩვენი ცხარე ქათამი. ასევე, გთავაზობთ კანტონურ კერძებს, რომლებიც გამოირჩევა ნაზი არომატებით, როგორიცაა ჩვენი კანტონური ტკბილ-მჟავე კრევეტების ბურთულები. და, რა თქმა უნდა, გვაქვს სიჩუანის სტილის კერძები, როგორიცაა მაპო ტოფუ. Ensemble-ს მენიუ გთავაზობთ კულინარიულ მოგზაურობას ჩინეთში საქართველოდან.
რომელი ჩინური კერძები მოსწონს ქართველ მომხმარებელს ყველაზე მეტად?
მინდა აღვნიშნო, რომ ქართველი მომხმარებელი ღიაა ახალი არომატების მიმართ. ჩვენთვის მოტივაციაა იმის დანახვა, რომ მომხმარებელს მოსწონს ჩვენი კერძები. მიხარია, რომ ჩინური სამზარეულო სულ უფრო პოპულარული ხდება. რაც შეეხება კერძებს, ქართველებს ყველაზე მეტად მოსწონთ ქათამი ანანასით, კუნგ პაოს ქათამი და შემწვარი ბრინჯი. მათ ასევე უყვართ ჩვენი პელმენები და ლაფშა, რომლებიც ყოველდღიურად მზადდება.
გაქვთ რაიმე განსაკუთრებული ტექნიკა, რომელიც თქვენ მიერ მომზადებულ კერძებს უნიკალურს ხდის?
რა თქმა უნდა, ჩვენი ერთ-ერთი გამორჩეული ტექნიკაა ქათმისა და საქონლის ხორცის ნელა მოხარშვის მეთოდი, რომელსაც ვიყენებთ ნაზი და არომატული კერძების შესაქმნელად. ასევე, ვიყენებთ სპეციალურ ვოკ-ჰეის ტექნიკას, რომელიც გულისხმობს ვოკში მაღალ ცეცხლზე მომზადებას, რათა შეიქმნას შებოლილი, შემწვარი არომატი, რომელიც უნიკალურია ჩინური სამზარეულოსთვის. და, რა თქმა უნდა, დიდ ყურადღებას ვაქცევთ თითოეული კერძის არომატების ბალანსს, რათა უზრუნველვყოთ, რომ ყველა ინგრედიენტი იდეალურად ავსებდეს სხვებს.
როგორ ხედავთ ჩინური კულინარიული კულტურის პოპულარიზაციას საქართველოში?
მე მჯერა, რომ საკვები უნივერსალური ენაა, რომელსაც შეუძლია კულტურებს შორის ხიდის გადება და ადამიანების დაახლოება. ვიმედოვნებთ, რომ ჩინური სამზარეულოს ქართველ მომხმარებლებთან გაზიარებით ხელს შევუწყობთ ჩინური კულტურის უფრო ღრმა გაგებას და დაფასებას. ჩვენ ასევე ვგეგმავთ კულინარიული ღონისძიებებისა და სემინარების მასპინძლობას, სადაც ადამიანებს შეეძლებათ გაეცნონ ჩინური სამზარეულოს ტექნიკას და ინგრედიენტებს. ჩვენ გვსურს შევქმნათ სივრცე, სადაც ადამიანებს შეეძლებათ ერთად შეიკრიბონ ჩინეთის მდიდარი და მრავალფეროვანი კულინარიული ტრადიციების აღსანიშნავად.
ტექსტი: სოფიო მალანია
ფოტო: ალექსეი სეროვი
