თამრიკო ჭოხონელიძე, „მთავარი არხის“ გადაცემაში, ნანუკა ჟორჟოლიანის სტუმაი იყო, სადაც ისაუბრა თავისი ცხოვრების ისეთ მნიშვნელოვან დეტალებზე, როგორიც სიყვარულისთვის მეორე შანსის მიცემაა:
„თავდაპირველად გჭირდება ძალა, იმისთვის რომ მეორე შანსი მისცე იმას ვინც დაკარგე, ან გგონია რომ დაკარგე. შინაგანად მე არაფერი დამიკარგავს, სულ მქონდა იმის განცდა რომ არაფერი არსად არ წასულა და იყო დროებითი. გეკარგება ეგო და საკუთარ თავს პატივს აღარ სცემ. დავკარგე საკუთარი თავი და ხშირად მომიწია ამისი თქმა, დავკარგე ქალი. ქალი გამექცა. ეს ყველაზე რთულია. ყველაფერი გვერდზე გადის ამ დროს. ვგრძნობდი, რამდენად ეჭვის თვალით ვუყურებდი ყველაფერს.“
მან ასევე იმ განშორების 5 წელიწადზეც ისაუბრა და თქვა, რომ არცერთი წამით არ შეუწყვეტია საყვარელ ადამიანზე ზრუნვა:
„შევეცადე ჩემი თავისთვის მეთქვა, რომ მე ასეთი გაბოროტებული და ეჭვიანი არ ვარ. არასდროს მიფიქრია, რომ გიას არ ვუყვარვარ. ვამართლებდი იმით, რომ ჩემს თავში ვეძებდი პრობლემას. ურთიერთობა გავაგრძელეთ და ეს მხოლოდ ჩემი დამსახურება არ არის. ვფიქრობ, რომ გიას სახით საუკეთესო მეგობარი მყავს, თუმცა გული მწყდება იმ ხუთ წელზე. ახლა ვხვდები, რომ ყოველი დღე მნიშვნელოვანია.
განშორების პერიოდში, ყოველ საღამოს ვამოწმებდი მივიდა თუ არა გია უსაფრთხოდ სახლში. ასეთი ჩვევა მაქვს, ყველა ოჯახის წევრზე გადამეტებულად ვზრუნავ. უნდა ვიცოდე სად არიან, როგორ არიან“
თამრიკო ჭოხონელიძემ განშორების შემდეგ შერიგება ასე დაასათაურა :
„ჩვენ, როდესაც შევრიგდით ურთიერთობა გავაგრძელეთ იქიდან სადაც შევჩერდით, თავიდან არაფერი დაგვიწყია.
იხილეთ გადაცემა სრულად:
